Vikan með Gísla Marteini var sýnd á RÚV í gær eins og flestar aðrar vikur. Það væri venjulega ekki til frásögu færandi en þátturinn hefur verið afar umtalaður síðan hann var sýndur í gær. Er umtalið helst vegna tónlistaratriðisins en Bassi Maraj, raunveruleikastjarna og tónlistarmaður, tróð upp í settinu.
Í lok hvers þáttar af Vikunni er sýnt tónlistaratriði og í þetta skipti var Bassa rétt keflið. „Það er að hitna verulega í myndverinu, það er vegna þess að þú ert með dansara með þér í laginu,“ segir Gísli Marteinn Baldursson, stjórnandi þáttarins, í viðtali við Bassa fyrir tónlistaratriðið. „Það er súludans og það er svokallað „twerk“. Þú ert að fara að vera með stelpunum og þær eru fáklæddar, ég held að þetta sleppi alveg, að þetta sé innan markana,“ segir Gísli svo og spyr hvers vegna súludansinn varð fyrir valinu.
„Þetta er classy og sexy á sama tíma. Þetta er eins og millivegurinn á því að vera strippari og í ballet. Þetta eru bara dívur. Þegar þú horfir á þetta ertu bara: „Úff ekkert mál“ en svo ferðu og þá sígurðu bara niður,“ segir Bassi og Inga Sæland, formaður Flokks fólksins og annar gestur þáttarins, skýtur þá inn í: „Það myndi engin súla halda mér“.
Í spilaranum hér fyrir neðan má sjá tónlistaratriðið sem um ræðir:
Áhorfendur þáttarins á Twitter töluðu varla um annað en atriðið en skoðanir á því voru afar mismunandi. Tónlistarmaðurinn Logi Pedro var til dæmis hæstánægður með atriðið og vill að Bassi fái Edduna fyrir það. Í athugasemdunum við myndband sem RÚV birti af atriðinu á Facebook-síðu sinni var sagan ekki sú sama. Þar velti fólk því aðallega fyrir sér hvort ekki væri um fjölskylduþátt að ræða.
„Hvað er að koma fyrir ykkur þarna. Á þetta ekki að heita fjölskylduþáttur. Rassarnir sýndir hvað eftir í nærmynd,“ segir til dæmis kona nokkur í athugasemdunum. „Er þetta fjölskylduþáttur?“ spurði svo önnur.
Eins og áður segir var mikið rætt um þáttinn á Twitter en hér fyrir neðan hefur það helsta sem fólk hafði að segja um atriðið á Twitter verið tekið saman:
Bassi Maraj er það sem við þurftum til að gleðja okkur eftir ár af covid, geggjaður #vikan
— Hulda Tölgyes (@hulda_tolgyes) April 16, 2021
engin pressa en hér eru 15 manns að horfa á #vikan bara fyrir bassa maraj
— ebba (@ebba_kvaran) April 16, 2021
Ég er ekki í sjokki, ég er í ÁFALLI #vikan
— Laufey Ebba (@Laufeyebba) April 16, 2021
Væri til að sjá Bassa á súlunni ef ég á að vera alveg hreinskilinn. #vikan
— Guðmundur Bjarni (@gummibjarnib) April 16, 2021
Amma mín er að horfa á þetta #vikan
— elisaabet_ (@elisaabet1) April 16, 2021
Á hvað er ég að horfa 😳#vikan
— Margrét Einarsdóttir (@MaxaEinars) April 16, 2021
Það er á svona stundum sem ég væri til í að vera fluga á vegg heima hjá ömmu #vikan
— Eydís Sigrún (@eydissigrun) April 16, 2021
Slökkvið á kommentakerfunum. Lokið fb á landinu í kvöld. Ekki fara í mat til ættingja sem eru eldri en þið um helgina.
Þetta á eftir að þurfa smá tíma.#vikan— Haukur Homm (@haukurhomm) April 16, 2021
Er að veita tengdamóður minni áfallahjálp eftir #vikan
— Helgi Thor Thorsteins (@Helgith) April 16, 2021
“Bíddu hvað sagðiru að hann heiti? Bassi Með Rass?” – mamma mín, rúmlega sextug #vikan
— Arna Þorbjörg (@arnahalldors) April 16, 2021
“Bíddu hvað sagðiru að hann heiti? Bassi Með Rass?” – mamma mín, rúmlega sextug #vikan
— Arna Þorbjörg (@arnahalldors) April 16, 2021
elska að ég þurfi að þýða allt sem bassi maraj segir fyrir foreldra mína #vikan
— ás dís (@asdisbirna) April 16, 2021
Edduna á þennan performace. Bassi Miraj. For god's sake. #vikan
— Logi Pedro (@logipedro101) April 16, 2021
