Sígaunabrúður var miður sín þegar hún komst að því að unnusti hennar hefði haldið framhjá henni þremur dögum fyrir brúðkaupið.
Courtney, 18 ára, ætlaði að giftast unnusta sínum, Danny, í tvöföldu brúðkaupi ásamt frænku Danny, Lottie og unnusta hennar Lee.
Pörin koma fram í sjónvarpsþætti TLC Gypsy Bride US. Courtney og félagar eru sígaunar (e. gypsy) eða flakkarar (e. travellers) eins og þau eru gjarnan kölluð.
Þátturinn var vægast sagt stormasamur. The Sun fjallar um þáttinn en það er einnig hægt að horfa á hann neðst í greininni.
Í þættinum er sýnt frá brúðkaupsundirbúningnum. Courtney og Lottie eru bestu vinkonur, en Lottie er einnig frænka Danny. Svo það var ákveðið að slá upp í tvöfalt brúðkaup.
Nokkrum dögum fyrir stóra daginn losnar Danny úr fangelsi. Courtney er yfir sig spennt fyrir brúðkaupinu en það eru ekki allir í fjölskyldunni jafn ánægðir.
„Mamma er ekki svo ánægð með brúðkaupið því henni finnst Courtney ekki vera rétta konan fyrir mig,“ segir Danny í þættinum.
Gail, móðir Danny, hefur haft þrjá mánuði til að finna út hvernig hún getur komið í veg fyrir mögulegt hjónaband sonar síns og Courtney. Hún skipuleggur steggjapartí fyrir Danny á strippstað, vitandi fullvel að Courtney yrði ekki hrifin.
Næsta dag kemur í ljós að Danny eyddi nóttinni með nektardansmærinni Mindy. Gail er fljót að dreifa fréttunum um að sonur sinn hafi haldið framhjá.
Courtney er miður sín þegar hún kemst að sannleikanum en vill sættast. En Lottie telur það ekki vera góða hugmynd.
„Danny er frændi minn og ég elska hann, en það sem hann gerði er óásættanlegt. Mér finnst að hún ætti ekki að giftast honum.“
Það myndast rígur á milli fjölskyldu Courtney og fjölskyldu Danny. „Þetta er stríð,“ segir Courtney, sem var seinna handtekin vegna atviksins. Brúðkaupinu var síðan aflýst.
Horfðu á þáttinn hér að neðan.
