Guðlaugur Þór Þórðarson utanríkis- og þróunarsamvinnuráðherra birti í gær skemmtilega mynd á Instagram síðu sinni frá því að hann var ungur gutti á Siglufirði með föður sínum. Það er stutt í grínið hjá Guðlaugi sem ber fyrir sig að hafa verið þriggja ára á þessum tíma og ekki áttað sig á að um lögbrot væri að ræða.
„Aftur til fortíðar! Finnst líklegt að ég sé eini utanríkisráðherrann sem hef pissað í ræsið fyrir framan Sparisjóð Siglufjarðar. Lögfræðingar hafa bent mér á að athæfið sé skýrt brot á lögreglusamþykkt en mér til varnar bendi ég á að ég var A) 3ja ára, B) það var yfirlögregluþjónn sem fyrirskipaði athæfið (sá hinn sami og tók myndina) og C) þetta hlýtur að vera fyrnt brot ☺️
Hvað sem því líður þá er þetta skemmtileg æskuminning. Það var alltaf gaman á Sigló með pabba,“ skrifar Guðlaugur við myndina.
View this post on Instagram
Guðlaugur Þór er óhefðbundinn á Instagram. Hann birtir ekki stíliseraraðar myndir af mat og sjálfum sér heldur hundamyndir, myndir af eiginkonunni, blómum, slátri, vöfflupökkum og hversdagslegum hlutum úr lífi sínu. Svo sem þessari hressu köku sem aðstoðarmenn hans pöntuðu eitt sinn í kaffitímanum.
View this post on Instagram
