Úrslit MORFÍs fara fram í kvöld, en þar munu ríkjandi meistarar, Flensborgarskólinn og Verzlunarskóli Íslands etja kappi.
Mælsku- og rökræðukeppni framhaldsskóla á Íslandi hefur verið haldin árlega frá árinu 1985. Síðustu ár hafa skólarnir tveir sem keppa í kvöld verið ansi sigursælir. Einungis þeir tveir hafa sigrað keppnina frá og með árinu 2017, eða tvisvar hvor.
Umræðuefni kvöldsins verður „Ísland er spillt land“. Flensborgarskólinn mun mæla með fullyrðingunni, en Verzlunarskólinn á móti.
Þá verður einnig keppt um titilinn Ræðumaður Íslands, en sá ræðumaður sem hlýtur flest stig hreppir það hnoss.
Hægt verður að horfa á keppnina í beinu streymi hér að neðan:
