Þýski áhrifavaldurinn Kate Merlan deildi á dögunum myndbandi af sér á Instagram þar sem hún talaði um kvefið sitt. Það er hvorki áhugavert né til frásögu færandi að áhrifavaldar fái kvef enda lenda flestir í því reglulega. Það sem er hins vegar áhugavert við myndbandið er það sem sjá má í bakgrunninum.

Kate, sem er 34 ára gömul, virðist nefnilega ekki hafa tekið eftir þremur litríkum titrurum sem liggja á borðinu á bak við hana í myndbandinu.

Fylgjendur Kate voru ekki lengi að taka eftir kynlífstækjunum. Fylgjendur hennar voru ekki mikið í því að dæma Kate fyrir kynlífstækin. „Hvað með þau? Það er ekki glæpur í dag ef hún nýtur þess að nota þau… það mikilvægasta er að það sé til nóg af batteríum,“ segir til að mynda einn fylgjandi hennar.

Þó voru ekki öll á því að Kate hafi gert þetta óvart. Bent var á að þetta væri auðveld leið til að vekja athygli og komast í fjölmiðla. „Þetta eru ekki mistök, nú er hún byrjuð að láta til sín taka á ný,“ er til að mynda sagt um myndbandið.

Skjáskot úr myndbandinu sem um ræðir má sjá hér fyrir neðan, kynlífstækin eru hægra megin á skjáskotinu.