Mason Greenwood og Phil Foden, landsliðsmenn Englands, eru á heimleið eftir að hafa fengið heimsókn frá tveimur íslenskum stúlkum á hótel sitt hér á landi í gær. Sjá einnig: Enskir landsliðsmenn brutu reglur hér á landi í gær – Fengu íslenskar stúlkur upp á hótel
Það er óhætt að segja að fréttin hefur vakið mikla athygli og fjalla allir stærstu miðlar Bretlands um málið sem og stærsti miðill Danmerkur, Ekstrabladet, þar sem von er á breska landsliðinu til Danmerkur á morgun.
Önnur íslenska stúlkan sagði í myndbandi á Snapchat að hún væri að fara að hitta Mason Greenwood og viðurkenndi að hún væri stressuð. Í samtali við blaðamann DV sagðist hún hafa talað við Mason í nokkra daga áður en þau hittust, en hún vildi ekki segja hvar eða hvernig þau kynntust. Mason Greenwood er einhleypur og hætti með kærustu sinni í maí síðastliðinn. Phil Foden er í langtímasambandi og á barn.
Mason Greenwood og kærastan hans Harriet Robson hættu saman í maí síðastliðnum. Þau voru búin að vera saman síðan janúar 2019. Mason verður 19 ára 1. október en Harriet er 19 ára.
Harriet er fyrirsæta. Hún hefur setið fyrir hjá fyrirtækjum á borð við Boohoo og 11 Degrees Women. Hún er einnig áhrifavaldur með rúmlega 93 þúsund fylgjendur á Instagram en hefur lokað aðganginum sínum.
Áður en Mason og Harriet hættu saman voru þau dugleg að deila myndum af hvort öðru á samfélagsmiðlum.
Phil Foden er í langtímasambandi með Rebeccu Cooke og eiga þau saman tæplega tveggja ára gamlan strák.
Phil er tvítugur og samkvæmt The Sun er Rebecca nítján ára gömul. Hún kýs að halda sig utan sviðsljóssins og er með lokaðan Instagram aðgang. Phil deilir örsjaldan mynd af syni þeirra á Instagram auk þess sem hann hefur tekið hann með sér í vinnuna og verið myndaður með syni sínum á vellinum.
https://www.instagram.com/p/B9Oh2cGAGaK/
