Maitland lék Rachel McGuire í þáttunum Boy Meets World á Disney Channel. Hún opnaði sig um klámferillinn í desember í fyrra og sagðist þéna meira á klámi heldur en hún gerði sem leikkona.
Sjá einnig: Disney-stjarna segist þéna meira á klámi
Maitland segir frá því í nýjum pistli á The Daily Beast hvernig henni, mótleikurum hennar og tökuliðinu tókst að taka upp klámmynd á tímum COVID. Gripið var til fjölda varúðarráðstafana, meðal annars fóru allir á tökustað í Covid-próf á hverjum degi. Það var einnig ávallt heilbrigðisstarfsmaður á staðnum og það var lögð gríðarleg áhersla á sótthreinsun.
Tökur á klámmyndinni Muse hófust í Los Angeles í júlí. Á sama tíma hafði smitum fjölgað verulega og Maitland hafði miklar áhyggjur af því að mæta til vinnu.
„Ég verð að viðurkenna að ég var efins til að byrja með. Hvernig átti þetta eiginlega að virka? Hvernig áttu leikararnir og tökuliðið að halda heilsu sinni komandi daga og vikur?“ segir Maitland.
„En áhyggjurnar hurfu eftir að ég sá hvað framleiðendur höfðu lagt mikla vinnu í að tryggja öryggi allra,“ segir hún og bætir við að allir á tökustað hefðu farið í Covid-próf á hverjum degi, þó svo að þeir væru ekki að leika í atriði þann daginn.
https://www.instagram.com/p/B_QqnhTHqZi/
Klámframleiðendurnir réðu einnig heilbrigðisstarfsmann til vinnu sem fylgdist vel með hitastigi og heilsu starfsmanna.
Maitland segir að þau pössuðu sig að halda fjarlægð og nota grímur, aðeins leikarar máttu taka grímurnar niður þegar þeir voru að leika í atriði.
Hún segir að það hafi haft sína kosti að taka upp klámmynd í miðjum faraldri. Af ótta við að dreifa vírusnum hefur hún forðast að stunda kynlíf og hitta karlmenn utan vinnunnar. „Ég var farin að sakna snertingar, ég held ég hafi rifið í mig fyrsta mótleikara minn. En ég held að honum hafi verið sama,“ segir hún.
Klámmyndinni hefur verið breytt í þætti sem munu spanna nokkrar þáttaraðir.