fbpx
Sunnudagur 20.september 2020
Fókus

Fyrrverandi klámstjarna látin 24 ára að aldri – Skelfileg örlög heimsþekktra klámstjarna

Guðrún Ósk Guðjónsdóttir
Þriðjudaginn 15. september 2020 13:30

Ekki missa af Helstu tíðindum dagsins í pósthólfið þitt

Lesa nánar

Fyrrverandi klámstjarnan Zoe Parker er látin aðeins 24 ára að aldri. Hún lést í svefni á heimili sínu laugardaginn síðastliðinn. Dánarorsök liggur ekki fyrir. New York Post greinir frá.

Zoe byrjaði í klámi árið 2014 en sagði skilið við klámiðnaðinn í fyrra. Hún skilur eftir sig unnusta og fjölskyldu í sárum. Fjölskylda hennar safnar nú fyrir útfararkostnaði á GoFundMe. Þar kemur fram að:

„Eftir að hafa yfirgefið klámiðnaðinn flutti Zoe Parker heim til Texas til að vera nær fjölskyldu sinni og hefja nýtt líf. Henni gekk ótrúlega vel og var nýlega trúlofuð. Í fyrsta sinn á ævinni virtist hún vera virkilega hamingjusöm.“

Zoe Parker.

Hræðileg örlög klámstjarna

Það vakti heimsathygli þegar Jenni Lee, sem var ein skærasta stjarnan í klámiðnaðinum, fannst í holræsum Las Vegas.

Kvikmyndatökumenn sem unnu að gerð heimildarmyndar um þann fjölda fólks sem býr í holræsum borgarinnar komu auga á Jenni í ágúst á þessu ári.

Jenni Lee heitir réttu nafni Stephanie Saddorra og er 39 ára gömul í dag. Fyrir rúmlega áratug kom hún fram í klámmyndum og birtist í hinum ýmsu tímaritum á borð við Hustler og Penthouse. Hún sagði skilið við klámmyndaferillinn árið 2009 til að einblína á hefðbundnari fyrirsætustörf. Í dag býr hún í holræsum Las Vegas.

Á myndinni til hægri má sjá Jenni þegar hún starfaði sem klámleikkona.
Á myndinni til hægri er hún í dag, þegar kvikmyndatökumenn fundu hana í holræsum Las Vegas.

Hvernig fór fyrir Stephanie er skelfilegt, en því miður algengt dæmi um hvernig klámiðnaðurinn getur farið með konur og hvaða áhrif það hefur á líf þeirra. Svipaða og sorglega sögu má segja af öðrum fyrrverandi klámstjörnum. August Ames framdi sjáflsvíg aðeins 23 ára, Mia Khalifa fékk morðhótanir frá ISIS og Janine Lindemulder var á bak við lás og slá.

„Stundum er „stigmað“, sem kemur með klámi, svo mikið að það er of erfitt fyrir sumar stelpur að höndla,“ sagði klámstjarnan Raylin Joy við Fabulous Digital og bætti við að það getur verið erfitt að færa sig frá klámi.

„Því það er ekki einu sinni klámið sem nær til þeirra. Það er kjaftæðið sem þær upplifa frá heiminum vegna þess að þær voru í klámi. Fólk hefur þessa hugmynd um klám að ef þú ert kona í klámi þá hlýtur þú að vera smá skrýtin eða eitthvað.“

Mia Khalifa.

Morðhótanir

Mia Khalifa opnaði sig í fyrsta sinn um sinn tíma í klámiðnaðinum í ágúst í fyrra. Hún komst í heimsfréttirnar árið 2014 þegar hún fékk morðhótanir frá ISIS eftir að hafa verið með slæðu (e. hijab) í klámmynd. Hún hætti í klámi árið 2015.

Mia sagði að klámiðnaðurinn sé ekki eins arðbær og margir halda.

„Að finna venjulegt starf eftir að hafa hætt í klámi var erfitt og ógnvekjandi,“ sagði hún á Twitter.

Hún segir klámiðnaðinn vera sérstaklega hættulegan fyrir ungar konur og að þær séu „festar í lögbundnum samningum þegar þær eru varnarlausar.“ Í júní 2020 varaði hún ungar konur við að feta í sín fótspor og sagði að myndböndin muni ásækja hana það sem eftir er.

August Ames.

Sjálfsvíg

August Ames framdi sjálfsvíg þegar hún var 23 ára, þann 5. desember 2017.

Hún lék í sinni fyrstu klámmynd árið 2013, þá var hún nítján ára. Fljótlega varð hún ein vinsælasta klámstjarnan á internetinu. Myndbönd hennar á Pornhub fengu meira en samtals 425 milljón áhorf.

Hún giftist klámleikstjóranum Kevin Moore, 43 ára.

August Ames var ein af fimm kvenkyns klámstjörnum sem dó eftir að hafa annað hvort tekið inn of stóran skammt eða eigið líf yfir þriggja mánaða tímabil, frá nóvember 2017 til janúar 2018.

Hlaðvarpsþáttur var gerður um síðustu mánuðina í lífi hennar, The Last Days of August. Þar fer þáttastjórnandinn Jon Ronson yfir nokkrar mögulegar ástæður þess að hún hafi ákveðið að taka eigið líf.

Sumir segja að neteinelti sé ástæðan fyrir því að hún hafi ákveðið að hengja sig í almenningsgarði í Los Angeles. En samkvæmt Jon var það mjög ógeðfellt og ofbeldisfullt atriði í klámmynd sem hún hafði leikið í sex vikum fyrir dauða sinn. Myndbandið var aldrei gefið út.

Margir þekkja Janine frá plötuumslagi Blink-182. Myndin til hægri er fangamynd hennar.

Fangelsi

Janine Lindemulder var ein skærasta stjarnan í klámiðnaðinum á tíunda áratugnum. Margir kannast við hana af plötuumslagi Blink-182 frá 1999.

Hún kom fram einnig í nokkrum tónlistarmyndböndum og var gift Jesse James, sem giftist seinna Söndru Bullock.

Janine sagði skilið við klám árið 1999 og reyndi að verða leikskólakennari. Hún sneri aftur í klámiðnaðinn árið 2004.

Fjórum árum seinna fór hún í fangelsi fyrir skattsvik.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fókus
Fyrir 2 dögum

Bólulæknirinn með rosalegt myndband – Ekki fyrir viðkvæma

Bólulæknirinn með rosalegt myndband – Ekki fyrir viðkvæma
Fókus
Fyrir 2 dögum

Konan í myndbandinu umdeilda stígur fram hjá Dr. Phil – „Ég er ekki Karen“

Konan í myndbandinu umdeilda stígur fram hjá Dr. Phil – „Ég er ekki Karen“
Fókus
Fyrir 3 dögum

Skoðun móður um að það sé ofbeldi að kitla börn skiptir fólki í fylkingar

Skoðun móður um að það sé ofbeldi að kitla börn skiptir fólki í fylkingar
Fókus
Fyrir 3 dögum

Þumalfingurinn getur sagt ýmislegt um persónuleikann þinn

Þumalfingurinn getur sagt ýmislegt um persónuleikann þinn
Fókus
Fyrir 5 dögum

Ugla hjólar í einn frægasta rithöfund heims – „Þetta er ógeðslegt“

Ugla hjólar í einn frægasta rithöfund heims – „Þetta er ógeðslegt“
Fókus
Fyrir 5 dögum

Sjáðu myndbandið: Sigga Dögg fór í brasilískt vax í beinni

Sjáðu myndbandið: Sigga Dögg fór í brasilískt vax í beinni
Fókus
Fyrir 5 dögum

Bubbi ósáttur – „Þeir þykjast vera ég og senda stelpum og konum skilaboð“

Bubbi ósáttur – „Þeir þykjast vera ég og senda stelpum og konum skilaboð“
Fókus
Fyrir 6 dögum

DV leitar að glæsilegustu ferðaljósmynd ársins – Fullkomið stefnumót í verðlaun

DV leitar að glæsilegustu ferðaljósmynd ársins – Fullkomið stefnumót í verðlaun