Þuríður Blær Jóhannsdóttir og Guðmundur Felixson voru að eignast sitt fyrsta barn. Guðmundur greinir frá gleðifregnunum á Facebook.
Guðmundur er vinsæll spunaleikari sem hefur verið að gera það gott með Improv Ísland. Hann er einnig sonur leikarans Felix Bergssonar. Þuríður Blær er leikkona og meðlimur rappsveitarinnar Daughters of Reykjavík.
„Síðustu dagar hafa verið algjörlega magnaðir. Við Blær eignuðumst lítinn fullkominn son á laugardagsmorgun og síðan þá höfum við gleymt öllu öðru. Fæðingin var löng og krefjandi og ég spring úr stolti yfir viljastyrknum og kraftinum hennar Blævar, en auðvitað massaði hún þetta eins og allt annað sem hún tekur sér fyrir hendur,“ segir Guðmundur á Facebook. Hann birtir einnig fallegar myndir.
Þuríður Blær deildi einnig mynd af drengnum á Instagram og sagði meðal annars:
„Það er bara allt breytt og við Gummi erum að springa úr ást á hverjum einasta degi!“
Fókus óskar fjölskyldunni innilega til hamingju.
