Kári Stefánsson, forstjóri Íslenskrar erfðagreiningar, er trendsetter samkvæmt buxnahvíslaranum, Joshua R. David. Kári klæddist ljósblárri Levi‘s skyrtu í viðtali í Kastljós í gær sem vakti talsverða athygli. Hann klæddist einnig skyrtunni á fundi við forsætisráðherra í dag. Skyrtan hefur einnig vakið athygli á samfélagsmiðlum.
Joshua er verslunarstjóri Levi‘s á Íslandi. Við ræddum við hann um skyrtuna og segir hann það sé ekki spurning að Kári Stefánsson sé „trendsetter.“ Hann segir að það séu framsæknir menn sem sækjast í svona skyrtur.
Joshua segir að skyrtan sé tiltölulega ný og mjög vinsæl þó Íslendingar eigi það til að vilja helst svartar, gráar eða hvítar flíkur.
Skyrtan hefur einnig vakið athygli og kátínu hjá netverjum.
Kári Stefánsson virðist líka vel við Levi’s gallaskyrtuna sína… pic.twitter.com/8MuQiZgWAO
— Steinþór Helgi (@StationHelgi) May 28, 2020
