fbpx
Sunnudagur 05.júlí 2020
Fókus

Katrín Sylvía prófaði nýja snyrtimeðferð heima hjá sér

Guðrún Ósk Guðjónsdóttir
Miðvikudaginn 22. apríl 2020 12:21

Snyrtifræðingurinn Katrín Sylvía Símonardóttir.

Ekki missa af Helstu tíðindum dagsins í pósthólfið þitt

Lesa nánar

„Sumir myndu telja mig klikkaða en hvað annað á maður að gera í samkomubanni,“ segir snyrtifræðingurinn Katrín Sylvía Símonardóttir.

Þessa dagana dvelurr Katrín Sylvía heima við,  líkt og margir aðrir Íslendingar. Snyrtistofa hennar, Heilsa og fegurð, er lokuð og fannst henni þetta fullkominn tími til að prófa snyrtimeðferð á sér sjálfri. Myndir af andliti hennar eftir meðferð hafa vakið athygli en hún hefur verið dugleg að leyfa fylgjendum sínum á Instagram að fylgjast með öllu ferlinu.

Skjáskot/Instagram

Visst sjokk fyrir líkamann

„Ég kann ekki að prjóna þannig ég geri þetta í staðinn,“ segir Katrín Sylvía í samtali við DV.

Snyrtimeðferðin kallast Philon plasma meðferð. Í stuttu máli þá minnkar meðferðin ummál húðar, sterkkir á henni og minnkar sjáanlegar línur og slappa húð. Katrín Sylvía lærði Philon plasmameðferð í fyrra og er nýfarin að bjóða upp á slíka þjónustu á stofunni.

Skjáskot/Instagram

Katrín byrjaði á því að taka svæðið í kringum augun og niður að kinnbeinum. Nokkrum dögum seinna tók hún neðri hluta andlitsins.

„Maður tekur yfirleitt ekki svona stórt svæði á svona stuttum tíma á viðskiptavin. En þetta er andlitið á mér, ég er að taka áhættuna og ég er fagmaðurinn. Ég myndi aldrei gera heilt andlit fyrir viðskiptavin, þetta er visst sjokk fyrir líkamann,“ segir hún.

Katrín Sylvía sýnir árangurinn sem meðferðin hefur skilað sér hjá viðskiptavin hennar.

Eins og sólbruni

Katrín Sylvía segir að meðferðin sé ekki sársaukafull.

„Maður fær deyfikrem fyrst og þetta er ekkert vont. Þetta lítur út fyrir að vera vont en ég er ekki að stinga í húðina sjálfa. Dagarnir eftir meðferð eru óþægilegir vegna bólgu, ekki sársaukafullir,“ segir hún

„Ég gerði þau mistök að kæla ekkert fyrsta sólarhringinn, því þetta var ekkert vont heldur leið mér bara eins og ég væri vel sólbrennd. Vegna þess að ég kældi ekkert á klukkutímafresti, allt að tíu mínútur í senn, þá fékk ég það borgað tífalt til baka. Ég vaknaði bara eins og fílamaðurinn,“ segir hún og hlær.

Skjáskot/Instagram

Opin um ferlið

Eins og fyrr segir hefur Katrín Sylvía leyft fylgjendum sínum að fylgjast með öllu ferlinu frá a til ö. Hún vistar öll myndböndin í Highlights á Instagram undir „MyPlasmaStory2“. Það eru þó tæplega þrír mánuðir þar til Katrín fær að sjá endanlegan árangur meðferðarinnar.

„Það er ekki hægt að meta meðferðina fyrr en þremur mánuðum eftir hana. Það er samt lygilegt hvað húðin mín hefur skroppið saman á nokkrum dögum. Ég á erfitt með að trúa því sjálf.“

Katrín hefur verið dugleg að leyfa fylgjendum að fylgjast með öllu ferlinu.
Katrín sýndi frá meðferðinni sjálfri.

Þú getur fylgst með Katrínu Sylvíu á Instagram, @katasimon.

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Stjörnuparið setur „snubbuíbúð“ á sölu – Fallegt útsýni yfir miðbæ Reykjavíkur

Stjörnuparið setur „snubbuíbúð“ á sölu – Fallegt útsýni yfir miðbæ Reykjavíkur
Fókus
Fyrir 3 dögum

Ósammála um kynningarmyndband KSÍ – „Hjartað í mér sökk“- „Landsliðið í hneysklun“

Ósammála um kynningarmyndband KSÍ – „Hjartað í mér sökk“- „Landsliðið í hneysklun“
Fókus
Fyrir 3 dögum

Fær grófar morðhótanir

Fær grófar morðhótanir
Fókus
Fyrir 4 dögum

Þorvaldur í miklum vanda á Tenerife – Óttaðist dimman fangaklefa og barsmíðar

Þorvaldur í miklum vanda á Tenerife – Óttaðist dimman fangaklefa og barsmíðar
Fókus
Fyrir 6 dögum

„Þá byrjar einhver atburðarás sem líkist martröð“

„Þá byrjar einhver atburðarás sem líkist martröð“
Fókus
Fyrir 1 viku

Lokalag Eurovisionmyndarinnar þykir magnað en hver er íslenski textinn?

Lokalag Eurovisionmyndarinnar þykir magnað en hver er íslenski textinn?
Fókus
Fyrir 1 viku

Jói Haukur um Eurovision-myndina – „Þetta er meistaraverk“

Jói Haukur um Eurovision-myndina – „Þetta er meistaraverk“
Fókus
Fyrir 1 viku

Íslenskur hundur bræðir hugi og hjörtu netverja

Íslenskur hundur bræðir hugi og hjörtu netverja