Samfélagsmiðlastjarnan Anna Paul hefur látið leysa upp fylliefni í vörum sínum. Hún segir að aðgerðin hafi verið mjög sársaukafull og varir hennar hafi margfaldast í stærð áður en bólgan hjaðnaði og hún varð eðlileg aftur.
Anna Paul er 21 árs og er með um 900 þúsund fylgjendur á TikTok og um 400 þúsund fylgjendur á Instagram. Hún fór fyrst í varafyllingar á átján ára afmælisdaginn og hefur farið um fimmtán sinnum síðan þá.
Í þessi fimmtán skipti fór Anna á mismunandi stofur, sumar betri en aðrar. Það skilaði sér í því að fylliefnið „færðist til“ og hún þurfti að leysa upp allt fylliefnið til að „byrja upp á nýtt.“ Anna greinir frá þessu á TikTok.
@annapaul_Why are my lips this colour though omg HAHAHAH ##lipinjections♬ original sound – Anna Paul
Það var ekki leikur einn að leysa upp fylliefnið. Hún þurfti að fara tvisvar og láta leysa upp efnið og segir að það hafi verið mjög sársaukafullt. Strax eftir aðgerðina bólgnuðu varir hennar og margfölduðust í stærð, en sem betur fer hjaðnaði bólgan hratt og eftir sat stór svartur marblettur á efri vör hennar.
Anna bíður nú eftir að komast aftur í varafyllingu.
„Ég lít út fyrir að vera sautján ára aftur, þetta er svo skrýtið […] Ég er náttúruleg aftur, ég fíla það alls ekki,“ segir hún.
„Fólk segir að ég líti betur út án varafyllinganna, en það hefur rangt fyrir sér,“ segir hún og hlær.
„Þið segið það bara því þið hafið bara séð mig með ljótar varafyllingar,“ segir Anna og bætir við að hún ætlar að fara og láta fylla aftur í varir sínar eftir tvær vikur.
@annapaul_The end result will be worth it 😭 ##lipinjections♬ original sound – Anna Paul
