Fiona Hollingsworh er bresk 37 ára fráskilin móðir sem starfar sem fyrirsæta hjá tímaritum líkt og Playboy. Nú tekur hún þátt í fegurðarsamkeppni í heimalandinu, þar af leiðandi hafa bresk götublöð fjallað mikið um hana síðustu daga.
Hún kynntist fyrrverandi eiginmanni sínum þegar hún var 21 árs. Þau giftust og eignuðust fjögur börn saman. Hún hafði starfað sem fyrirsæta árin á undan, en hjónabandið virtist eyðileggja þann ferill.
Svo, seinasta október skyldi hún við manninn og ákvað að starfa sem fyrirsæta á ný.
„Eftir skilnaðinn minn í október var ég mjög tilbúinn að koma mér aftur út í fyrirsætu-bransann. Ég sótti um í sundfata-fegurðarsamkeppni í mars og í kjölfarið fékk ég boð um að verða Playboy-leikfélagi.“
„Ég er himinlifandi. titillinn hefur mikla þýðingu fyrir mér. Hann skiptir mig svo miklu máli. Hann opnar á svo marga möguleika.“
Um skilnaðinn sagði hún:
„Ég var ekki í hamingjuríku hjónabandi. Börnin mín voru á aldrinum tíu til fjögurra ára, þau voru að alast upp. Ég ákvað að ég vildi gera eitthvað fyrir sjálfa mig.“
Lífsstíll Fionu er alls ekki ódýr. Hún segist hafa farið í fegrunaraðgerðir á nefi og nokkrar á brjóstum, svo fer hún reglulega í Botox. Hún segir að undanfarið hafi hún eytt um það bil 10.000 sterlingspundum í aðgerðirnar, en það jafngildi 1,8 milljónum króna. Svo hafi hún eytt 3.000 pundum til að „endurnýja“ fataskápinn sinn, sem að jafngildir um það bil hálfri milljón.
Spurð um ástæðu þess að hún eyði öllum þessum pening í lífsstílinn segir Fiona að útlitið hafi aldrei skipt jafn miklu máli.
Fiona segir að um þessar mundir sé hún ásamt rithöfundi að vinna að því að skrifa ævisögu sína.