Nikole Mitchell ólst upp hjá mjög trúuðum foreldrum. Hún fór í kirkju á hverjum sunnudegi og það kom fáum á óvart þegar hún ákvað að læra guðfræði við háskóla í Ohio.
Þegar Nikole var 36 ára og orðin þriggja barna móðir varð hún enn trúræknari.
„Ég byrjaði í rauninni með Jesús,“ segir hún í viðtali við Fabulous Digital. „Ég var mjög einbeitt og öll mín orka fór til Guðs. Ég hætti alveg að hitta karlmenn. Ég svaf hjá strákum í framhaldsskóla, sem var ömurlegt kynlíf unglinga sem vissu ekkert hvað þeir voru að gera. Þegar ég var í háskóla ákvað ég alfarið að hætta að hitta karlmenn. Ég hvorki kyssti né stundaði kynlíf í sex ár, frá 2001 til 2007,“ segir hún og bætir við að Jesús hafi verið kærasti hennar.
Nikole varði öllum sínum frítíma í að læra biblíuna utan af og fór þrisvar í viku í biblíufræðslu utan skólans.
„Kirkjan var líf mitt. Ég var smá uppreisnargjörn í framhaldsskóla en hætti því til að vera góð stelpa og þóknast öðrum, ég vildi gera það sem var rétt og fylgja orði Guðs.“
Nikole segist hafa forðast samband með karlmönnum, bæði vegna þess að hún vildi ekki stunda kynlíf utan hjónabands og hún vildi ekki takmarka tíma sinn með Guði.
Næsta rökrétta skrefið að mati Nikole var að fara í prestaskólann.
Hún kynntist fyrrverandi eiginmanni sínum árið 2009 og eignaðist þrjú börn, sem eru í dag tíu ára, sjö ára og fimm ára.
Fjölskyldan gekk til liðs við evangelíska kirkju og fljótlega var henni boðið starf sem prestur. „Ég elskaði það, mér fannst eins og ég hafi fundið köllun mína,“ segir hún.
En með tímanum tók Nikole eftir því að það vantaði stundum hluta úr predikun hennar. „Ég er af tveimur kynþáttum og vildi deila upplifun minni af því og sem móður, en kirkjan var ekki svo hrifin. Ég varð fyrir rosalegum vonbrigðum þar sem mér þótti það mjög mikilvægt,“ segir hún.
Á sama tíma var hún farin að átta sig á öðru, að hún væri tvíkynhneigð.
„Ég hafði bælt niður kynferðislegar þarfir mínar svo lengi að ég vissi ekki að ég væri hinsegin. En ég var það. Ég var hinsegin kona sem vildi fullnægingar og gott kynlíf. Ég vildi tala um hinsegin fólk í ræðum mínum en þau vildu ekki leyfa mér það.“
Árið 2017 fékk Nikole nóg. „Ég trúi ennþá á Guð en kirkjan var ekki lengur staðurinn fyrir mig. Þarna var ég, 33 ára og frjáls kona í fyrsta skipti. Ég hafði ekki hugmynd um hvað mig langaði að gera eða hver mig langaði að vera,“ segir hún.
Eina sem hún vissi var að hún vildi taka kynhneigð sinni opnum örmum. „Ég bókaði tíma í „boudoir“ myndatöku og fannst ég svo kynþokkafull. Þetta var yndislegt,“ segir hún.
Nikole fékk allar myndirnar í bók. „Eiginmaður minn hélt að bókin væri fyrir hann, en ég sagði honum að hún væri fyrir mig. Ég fór í nektarmyndatöku viku seinna og stuttu seinna fór ég að athuga hvernig ég gæti þénað af þessu,“ segir hún.
Fyrir ári síðan stofnaði hún OnlyFans síðu. Þar deilir hún nektarmyndum og myndböndum af sér framkvæma kynlífsathafnir. Hún þénar allt að fjórtán milljón krónur á mánuði, sem er mun meira en hún gerði áður fyrr.
„Ég hélt alltaf að Guð vildi ekki að við myndum þéna pening og að það væri slæmt. En ég held að Guð hafi átt þátt í því að ég þéna svona mikið í dag,“ segir hún.
Nikole og John skildu, í góðu, á þessu ári.
Nikole segist elska nýju vinnuna sína. „Ég held í alvöru að mér hafi verið ætlað að afklæðast, það er köllun mín. Ég elska það svo mikið.“
