Líkt og flestir vita styttist nú óðum í forsetakosningar í Bandaríkjunum. Margir hafa verið duglegir að minna Bandaríkjamenn á að kjósa, til að mynda flokkur stórstjarna sem fór óhefðbundna leið í því.

Í vikunni birtist myndband þar sem að stjörnur á borð við Chris Rock, Naomi Campell, Amy Schumer, Sarah Silverman, Mark Ruffalo og Kerry Washington sáust nakin, til þess að ræða kosningarnar. Þau fjölluðu til að mynda um mikilvæg atriði sem kjósendur þurfa að passa vilji þau ekki ógilda atkvæðið sitt.

„Ég er algjörlega allsber“

„Ég veit hvað þið eruð að hugsa: „Ruffalo farðu í föt!“ “

„Ef ég á að vera hreinskilin þá vildi ég að ég gæti falið hendurnar mínar með brjóstunum mínum.“

Þetta sögðu stjörnurnar í myndbandinu, sem voru líkt og hefur komið fram allar allsberar, þó með einni undantekningu, en Borat Sagdiyev, karakter grínistans Sacha Baron Cohen var í jakkafötum. Sá sagði:

„Afhverju viltu að ég sé nakinn?“

Myndbandið hefur mætt einhverri gagnrýni og þykir minna á myndband leikkonunnar Gal Gadot frá því í sumar, en hún fékk stórstjörnur til að syngja með sér lagið Imagine. Þá voru þó allir í fötum. Það myndband þótti sýna einhverskonar veruleikafirringu stjarnanna, á meðan að nýja myndbandið þykir heldur sýna forræðishyggju þeirra.

Hér má sjá myndbandið umdeilda.