Laugardagur 22.febrúar 2020
Fókus

Söngkona Blondie gaf David Bowie kókaín: Þakkaði fyrir sig á furðulegan hátt

Fókus
Mánudaginn 30. september 2019 19:30

Debbie Harry.

Ekki missa af Helstu tíðindum dagsins í pósthólfið þitt

Lesa nánar

Debbie Harry, oft kennd við hljómsveitina Blondie, lætur ýmislegt flakka í nýrri ævisögu sinni, Face It.

Þar segir hún meðal annars frá árunum þegar djammið var allsráðandi, en Blondie var eitt stærsta nafnið í tónlistarheiminum á áttunda áratugnum.

Í bókinni er meðal annars að finna vægast sagt furðulega sögu um tónlistarmennina David Bowie og Iggy Pop, en Blondie fór á tónleikaferðalag með þeim árið 1977.

Kvöld eitt voru þau þrjú stödd í New York þegar Bowie og Iggy Pop sögðust vera að leita að kókaíni. Maðurinn sem hafði útvegað þeim fíkniefni var nýlátinn og spurðu þeir Debbie hvort hún hefði eitthvað aukalega í farteskinu. Debbie kveðst hafa átt gramm af kókaíni sem hún lét þá fá.

Það sem gerðist í kjölfarið er eitthvað sem rennur Blondie seint úr minni. Hún segir að David Bowie hafi girt niður um sig og sýnt henni getnaðarliminn á sér. Hún segir að „stærðin“ hafi verið á margra vitorði og Bowie hafi gert þetta oft; girt niður um sig og sýnt konum á sér liminn.

Í bókinni segir Debbie meðal annars frá baráttu sinni við þunglyndi og fíkniefnamisnotkun.

Þá segist Debbie hafa átt örlagaríkt kvöld með fjöldamorðingjanum Ted Bundy. Að sögn Harry mætti hún Bundy þegar hana vantaði far heim í austurhluta Manhattan-eyjunnar um sumarið árið 1972. Eftir margar misheppnaðar tilraunir til þess að ná í leigubíl þáði hún far hjá bláókunnugum manni. Hafði hún þá ekki hugmynd um hvaða mann væri að ræða fyrr en mörgum árum síðar. Hún segir manninn hafa verið afar ákveðinn í að veita henni far þetta sumarkvöld.

Ted Bundy myrti tugi kvenna vítt um Bandaríkin á árunum 1974 til 1978. Debbie segist hafa áttað sig á því að um sama mann var að ræða þegar hún las um aftökuna á Bundy í blöðunum og sá mynd af honum. „Ég hugsaði: Almáttugur, þetta er maðurinn!“  Ted Bundy var tekinn af lífi árið 1989.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Frægur leikari tjáir sig um líkamlegt ofbeldi gagnvart börnum sínum: „Foreldrahlutverkið er gífurlega erfitt“

Frægur leikari tjáir sig um líkamlegt ofbeldi gagnvart börnum sínum: „Foreldrahlutverkið er gífurlega erfitt“
Fókus
Fyrir 2 dögum

Leiðin til bata: Hún neytti fíkniefna daglega 12 ára og 14 ára svaf hún í stigagöngum fjölbýlishúsa

Leiðin til bata: Hún neytti fíkniefna daglega 12 ára og 14 ára svaf hún í stigagöngum fjölbýlishúsa
Fókus
Fyrir 6 dögum

Allt sem þú vissir ekki um keppendur í Söngvakeppninni – Ilmkerti og David Hasselhoff

Allt sem þú vissir ekki um keppendur í Söngvakeppninni – Ilmkerti og David Hasselhoff
Fókus
Fyrir 6 dögum

Ólafur Friðrik hjólar í RÚV vegna söngvakeppninnar: „Réttrúnaðurinn velur sitt fólk“

Ólafur Friðrik hjólar í RÚV vegna söngvakeppninnar: „Réttrúnaðurinn velur sitt fólk“