Tónlistarmaðurinn Jón Jónsson er nýjasti gestur Egils Ploder í Burning Questions á Áttan Miðlar. Það mætti segja að hann sé þekktur fyrir að vera andlit sakleysis, fjölskyldufaðir sem hefur aldrei snert dropa af áfengi og elskaður af landsmönnum. Í þættinum afhjúpar hann hins vegar tvö skipti þar sem hann braut lögin þegar hann var yngri.

Aðspurður hvað sé það ólöglegasta sem hann hefur gert segir Jón að honum detti eitt í hug, en það gerðist ekki á Íslandi.

„Ég var í skóla í Boston og þegar þú ert fátækur námsmáður ferðu að hugsa í lausnum,“ segir Jón.

„Það sem ég gerði var að það var einhver bók sem ég þurfti sem kostaði eitthvað fyrir skólann. Ég fór semsagt í Barnes&Nobles á einhverja hæð [þar], náði í þessa bók, fór svo á aðra hæð. Skilaði bókinni, fékk inneignarnótu. Kom svo einhverjum dögum seinna og [notaði hana til að kaupa bókina].“

Seinna í þættinum rifjar hann einnig upp þegar hann keyrði yfir á fjórum rauðum ljósum í röð.

„Krakkar sem heima sitjið eigið ekki að gera þetta,“ segir hann.

„Þetta var dæmi um hópþrýsting sem ég hef yfirleitt náð að standast. Það var þannig að við vorum á ljósum, fullur bíll af gaurum og einhver gaur í bílnum við hliðin á hendir í puttann. Ég veit ekki af hverju, hann hefur verið bara drukkinn eða eitthvað. Allir í bílnum æstust í drasl og voru bara: „DRULLAÐU ÞÉR ÁFRAM!“ Ég bara: „Hvað meinið þið maður?“ Það var einhver múgæsing sem átti sér stað. Vissulega enginn á ferli sko. Þetta var ekki um fjögur á dag.“

Þú verður eiginlega að sjá Jón segja söguna með tilheyrandi leikaraskap. Sagan byrjar á mínútu 8:23.

 

View this post on Instagram

 

Burning Questions snýr aftur eftir pásu með sprengju! Einn af okkar allra bestu tónlistarmönnum, Jón Jónsson mætti og svaraði nokkrum brennandi spurningum hjá Agli Ploder. Burning Questions er í boði Kvikk on the go!

A post shared by Áttan Miðlar (@attanmidlar) on Sep 18, 2019 at 10:05am PDT

Í þættinum biður Egill Jón um að raða Auðunni Blöndal, Friðriki Dór, Birni Braga og Steinda frá þeim skemmtilegasta yfir í þeim leiðinlegasta.

„Í gegnum tíðina, svona alvöru, mestu og innilegustu „lol-inn“ sem ég er búinn að eiga er vegna einhvers sem Björn Bragi er að gera.  Ég ætla að leyfa honum að eiga þetta. Síðan ætla ég bara að setja Frikka, því hann er bróðir minn,“ segir Jón og velur svo Steinda fram yfir Auðunn.

„Sorry Auddi, I love you.“

Þú getur horft á þáttinn í heild sinni hér að ofan og á Instagram.