Öll höfum við upplifað að bíða í röð, hvort sem það er í röðinni í matvöruverslun eða á stórtónleika Ed Sheeran.
Þar sem það hefur myndast gífurlega löng röð í tengslum við tónleika þess rauðhærða höfum við tekið saman nokkra hluti sem þú getur gert til að drepa tímann í röðinni.
Samkvæmt heimildum okkar er röðin akkúrat nógu löng svo þú getir hlustað á öll lögin sem Ed spilar í kvöld. Ekki örvænta ef þú ert ekki viss hvaða lög hann mun spila því við erum líka með ráð við því.
Sjáðu lögin sem Ed Sheeran spilar í kvöld
Það geta án efa flestir raulað með lögunum hans og hvar er betri staður til að taka saman hópsöng en í sjálfri röðinni á tónleikana. Við hvetjum þig til að syngja sem hæst og vonandi taka allir undir með þér.
Maður gleymir því oft hvað það er gott að spjalla við ættingja sína og vini. Þegar maður man eftir því að hringja í fólkið sitt og spjalla er oft mikið að gera svo það gleymist aftur. Þegar þú ert að bíða í röðinni hefurðu ekki mikið að gera og því er tilvalið að hringja í einhverja vel valda einstaklinga og detta í gott spjall.
Þessi er klassískur tímamorðingi. Það eru flestir sem kunna leikinn og því tilvalið að spila hann við þá sem standa þér næst í röðinni.
Áttu erfitt með að finna tíma til að hreyfa þig? Hér er tækifærið! Þú ert fastur í röð og í stað þess að standa bara kyrr geturðu hlaupið af stað á staðnum. Þetta er tilvalið fyrir þá sem eru alltaf að tala um hvað þeir vilja hreyfa sig en finna aldrei tíma til þess.
Í röðinni með þér er fullt af fólki sem þú hefur aldrei hitt áður. Spjalliði saman og finnið hvort þið eigið eitthvað meira sameiginlegt en bara það að þið séuð bæði að fara á sömu tónleikana.
Þetta er ótrúlega vanmetið. Það er ótrúlega gott stundum að njóta þess bara að gera ekki neitt. Það er stanslaust eitthvað í gangi þannig þegar tækifærið gefst til að gera ekki neitt þá er mikilvægt að nýta það tækifæri og njóta þess til fulls.