Bæjarhátíð Grindavíkur, Sjóarinn síkáti, hófst í dag og að vanda er mikið um dýrðir og verður heilmikið fjör í bænum um helgina. Íbúafjöldi bæjarins margfaldast og gestir og heimamenn geta allir fundið sér eitthvað við hæfi núna um helgina.

Hönter myndir bregða ekki út af vananum og gerðu myndband fyrir appelsínugula hverfið. „Í ár er það Hamingjan er hér, en gerður var íslenskur texti við lagið Come Alive úr myndinni The Greatest Showman,“ segir Hanna Sigurðardóttir sem á Hönter myndir ásamt Tereseu Birnu Björnsdóttur.

Tómas Guðmundsson sér um söng ásamt fjölda barna úr hverfinu og eins og sjá má gætir einkenna Hatara hjá trommurum hverfisins, þeim Ara Auðunni Jónssyni og Jóni Fanndal Bjarnþórsyni.

Hönter myndir taka að sér að semja texta, sketsa og myndbönd fyrir afmæli, brúðkaup, árshátíðir eða aðra viðburði.