Instagram-síðan Feminist dreifir, eins og nafn síðunnar gefur til að kynna, feminískum boðskap. Síðan nýtur gríðarlega vinsælda og er með yfir 2,8 milljón fylgjendur.
Það verður því að teljast ansi merkilegt að síðan birti mynd af íslensku fyrirsætunni og aktívistanum Ísold Halldórudóttur. Ísold hefur vakið mikla athygli hér heima og erlendis. Hún er ötul baráttukona fyrir líkamsvirðingu og deilir andríkum skilaboðum á Instagram-síðu sinni.
„Og bara veistu, að meðan það er fullkomlega skiljanlegt að þú finnur fyrir óöryggi og kvíða varðandi líkama þinn, þá er það bara þarna því samfélagið og fjölmiðlar vilja að þú kaupir fegurð í boxi. Fegurð þín fer langt yfir einhvern mælikvarða sem samfélagið vill að þú farir eftir. Þú ert eigin fegurð, og örin þín eða exem eru hluti af því þar til þau eru það ekki. Aldrei finna fyrir pressu að laga þig til að fá samþykki einhvers annars,“ er haft eftir Ísold í færslunni. Myndin hefur fengið yfir 86 þúsund like og fjölda kommenta.
Ekki nóg með að slá í gegn fyrir baráttu sína þá gengur Ísold einnig mjög vel í fyrirsætubransanum og kemur meðal annars fram í vetraútgáfu Dazed tímaritsins. Ísold hefur verið dugleg að birta myndir úr myndaseríu Dazed sem má sjá hér að neðan.
