Þriðjudagur 10.desember 2019
Fókus

Íslenskir dansarar í stríð við fræga á Instagram: „Getum við plís hætt að kalla berrassaðar, berbrjósta stelpur á Instagram áhrifavalda“

Fókus
Þriðjudaginn 8. október 2019 13:46

Friðrik Agni. Skjáskot af Youtube.

Ekki missa af Helstu tíðindum dagsins í pósthólfið þitt

Lesa nánar

Svo virðist sem íslenskir dansarar hafi fengið sig fullsadda af svokölluðum áhrifavöldum. Fyrr í dag birti Anna Claessen á Vísi,  harðorða gagnrýni á Bryndísi Líf, sem er vinsæl á Instagram. Nú síðdegis birtir annar dansari pistil á sama vettvangi þar sem hann ákallar almenning að hætt að kalla þá sem eru vinsælir á Instagram „áhrifavalda“.

Sjá einnig: Anna hjólar í Bryndísi Líf og líkir henni við klámstjörnu – „Missir hún virðingu? Eða fær hún fleiri tækifæri?“

Friðrik Agni, sem er dansari, lífstílsþjálfari og skemmtikraftur, segir að skopmynd Hugleiks Dagssonar sé innblástur pistilsins. Hana má sjá hér fyrir neðan. „Hugleikur Dagsson teiknaði upp mynd um daginn sem lýsir að mínu mati furðulegri þróun áhrifavalda í heimssamfélaginu. Hún virkilega snerti við mér og því sem ég hef verið að velta fyrir mér undanfarið. Hún sýnir Ghandi sem barðist fyrir frelsi og sjálfstæði Indlands, Rosu Parks sem barðist fyrir borgaralegum réttindum í Bandaríkjunum og svo var það mynd af Instagram „áhrifavaldi“ nútímans sem er með rass,“ skrifar Friðrik.

Hann segir þetta fólk gera út á nekt. „Getum við plís hætt að kalla berrassaðar, berbrjósta stelpur á Instagram áhrifavalda í fjölmiðlum? Þetta eru oft stelpur en líka karlmenn eða strákar og um leið og við erum að skilgreina þau sem áhrifavalda opinberlega þá erum við senda út skilaboð og gefa þeim ákveðið vald. Það er svo annað ef nakinn líkami er notaður sem tákn fyrir einhvern ákveðinn boðskap eða hreyfingu sbr. Free the nipple,“ segir Friðrik.

Boða neysluhyggju

Hann segir það gengisfella þá sem raunverulega hafa áhrif að kalla þetta fólk áhrifavalda. „Endilega köllum þau áhrifavalda ef þau eru virkilega að hrinda af stað boðskap sem er þess virði að íhuga. Ef þau eru raunverulega að hafa áhrif eða deila jákvæðum skilaboðum og breytingum sem skila sér vítt og breitt út í samfélagið þá já, ég skil að það séu áhrifavaldar. En ég er farinn að fá smá nóg af þessu hugtaki „áhrifavaldur“ og notkun þess hér heima og kannski almennt,“ segir Friðrik.

Hann segir það helsta sem þetta fólk leggi til málanna sé aukin neysluhyggja. „Því yfirleitt ef það er frétt um einhvern áhrifavald þá er það einhver á Instagram sem allavega ég veit ekkert hver er eða hvar hún/hann er þekktur fyrir. Kannski er ég bara útskúfaður samfélagsmiðlaþegn. Oftast þegar ég skoða áhrifavaldinn nánar þá eru það partýmyndir, hálfnektarmyndir, lúxusferðalög o.fl. o.fl. Ég velti því fyrir mér hvaða áhrif þessi manneskja er að hafa raunverulega og hvern er hún að hafa áhrif á? Er hún að stuðla að aukinni neysluhyggju (og er það gott?) eða einhverskonar hugmynd um kynlíf/kynóra? Ég hreinlega veit það ekki,“ segir Friðrik.

Þakkar fyrir Grétu

Friðrik segist ekki vilja banna neinum neitt. „Ég er ekki að gefa í skyn að fólk megi og ætti ekki að hegða sér eins og það velur sér á samfélagsmiðlum, lifa stórt og auglýsa heilbrigðan líkamann sinn. Allir eiga sinn rétt. Ég geri það meira að segja sjálfur endrum og eins. En ég er ekki áhrifavaldur held ég…þó ég vilji vissulega trúa að ég hafi að minnsta kosti jákvæð áhrif á fólkið sem er í kringum mig en hver/hvað er það sem ákveður standard áhrifavalds almennt? Er það fjöldi fylgjenda á Instagram? Fjölmiðlar hafa einstakt vald í þessu tilfelli og vil ég biðla til þeirra að íhuga notkun þessa orðs. Það er annað að vera frægur á Instagram og að vera áhrifavaldur. Þetta snýst kannski meira um merkingu og notkun orðsins,“ segir Friðrik.

Að lokum þakkar hann fyrir tilvist raunverulegra áhrifavalda. „Ég þakka allavega fyrir ungu áhrifavaldana eins og t.d. Gretu Thunberg og Autumn Peltier því ég get virkilega skilið að þær séu raunverulegir áhrifavaldar. Það er ekki bara mitt mat heldur eru þær að hafa sýnileg áhrif. Þær eru að berjast fyrir boðskap og breytingum sem snerta allar komandi kynslóðir. Hvernig ert ÞÚ að hafa áhrif?“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 3 dögum

Fimm gagnlegir hlutir fyrir frostbitna bílrúðu

Fimm gagnlegir hlutir fyrir frostbitna bílrúðu
Fókus
Fyrir 3 dögum

Spurning vikunnar – Hver er besta jólamyndin?

Spurning vikunnar – Hver er besta jólamyndin?
Fókus
Fyrir 5 dögum

Viktor fór með hálfa brennivínsflösku inn á Vog: „Þetta var allt eða ekkert“

Viktor fór með hálfa brennivínsflösku inn á Vog: „Þetta var allt eða ekkert“
Fókus
Fyrir 5 dögum

Sturla segir frá ógeðslegri lygi: „Hann fór síðan heim með stelpum“

Sturla segir frá ógeðslegri lygi: „Hann fór síðan heim með stelpum“