Hin virta leikkona Edda Björgvinsdóttir var fjarri því að vera kát þegar hún sá að einhver hafi stolið blómunum hennar og tilheyrandi potti. Þetta tilkynnti hún á samfélagsmiðlum en umræddur pottur var staðsettur fyrir utan heimili leikkonunnar í miðbæ Reykjavíkur. Hún birti hún mynd af sams konar blómum og hafði sitt að segja við þjófinn í færslu sinni:

„Ég segi bara eins og amma mín sagði alltaf: „Þeim svíður sem undir mígur!“.

Þjófurinn mun að öllum líkindum fá harðlífi, missa tennurnar og hárið og þjást héðan í frá af ólæknandi þvagsýrugigt!“

segir Edda og bætir svo við skilaboðum frá einum þriggja ára úr fjölskyldu hennar. Þessi skilaboð eru stutt en skýr:

„Skíttá´ðig!“