Hinar frægu þrjár rendur Adidas hafa verið dæmdar ógildar sem vörumerki af dómstóli Evrópusambandsins þar sem að rendurnar þykja ekki nægilega einkennandi. Frá þessu greinir fréttastofa Reuters.
Adidas lýsti vörumerki sínu sem Þrjár samsíða rendur sem allar eru af sömu breidd og í sömu fjarlægð frá hvorri annari. Þessi lýsing var kærð af belgíska fyrirtækinu Shoe Branding Europe eftir áratuga langar deilur við Adidas.
Sami evrópudómstóll dæmdi þó tvær renndur belgíska fyrirtækisins ógildar í fyrra þar sem þær þóttu of líkar röndum Adidas.
Adidas þurfti að sýna fram á að rendurnar þrjár væru einkennandi fyrir merkið í öllum 28 löndum Evrópusambandsins, en Adidas hafði einungis gert það í fimm löndum.
Þýski risinn getur þó enn þá fengið leyfi fyrir vörumerkinu hjá Evrópudómstólnum.
Í yfirlýsingu Þýska íþróttavöruframleiðandans segir að dómurinn hafi einungis áhrif á sérstaka notkun merkisins. Ekki eru þó allir vissir með hvað Adidas meinti með því.
„Þó að við séum ósátt með niðurstöðuna, þá munum við virða hana og tökum við fagnandi á móti nothæfri leiðsögn frá dómstólnum varðandi það hvernig hægt væri að verja okkar 3-línu merki á vörum okkar í framtíðinni,“ segir einnig í yfirlýsingu Adidas.u