Erna Hrönn Ólafsdóttir söngkona, söngkennari og þáttastjórnandi á útvarpsstöðinni K100 heldur upp á 38 ára afmælið sitt í dag.
Afmælisdagurinn í dag er þó stærri en flestir, því Erna Hrönn gengur upp að altarinu til að eiga unnusta sinn, Jörund Kristinsson, hópstjóra hjá Origo.
Samtals eiga hjónakornin sex börn, einn strák og fimm stelpur frá sjö ára til 22 ára.
Það má búast við mikilli gleði, tónlist og dansi, því margir gestanna eru tónlistarfólk.
Áhugasamir geta séð myndir á samfélagsmiðlum undir myllumerkinu #ernundur.
