Tónlistarkonan Svala Björgvinsdóttir er nýjasti gestur í þætti Áttunnar, Burning Questions. Í þættinum eru þjóðþekktir einstaklingar spurðir að erfiðum spurningum sem þeir neyðast til að svara. Svala er til dæmis spurð út í ástarlíf sitt með kærasta sínum, Gauta Sigurðarsyni, og hvernig hún myndi lýsa því með bíómyndatitli.
„Það er alveg svolítið villt,“ segir Svala og segir að hún myndi helst lýsa því með kvikmyndinni 50 Shades of Grey í bland við teiknimyndir á borð við Frozen. „Það er alveg dass af því [50 Shades of Grey] en líka pínu Disney,“ segir Svala.
Þá segir Svala að það skrýtnasta sem hún hafi gert fyrir peninga hafi verið að lesa inn á auglýsingu á ensku með þykkum, íslenskum hreim í anda Bjarkar Guðmundsdóttur. Þegar hún er spurð hvort hún hafi einhvern tímann verið handtekin stendur ekki á svörunum
„Aldrei verið handtekin – ekki nema bara í kynlífi, sko.“
Þáttinn í heild sinni má sjá hér fyrir neðan:
