Gert er ráð fyrir að Ashton Kutcher beri vitni í réttarhöldum yfir Michael Gargiulo, betur þekktur sem „Hollywood Ripper.“  E! News greinir frá. Michael Gargiulo, 43 ára, er sakaður um að hafa myrt Ashley Ellerin, 22 ára, árið 2001, sem átti þá í sambandi við Ashton Kutcher.

Ashton er mikilvægt vitni í málinu gegn Gargiulo, sem er kærður í Los Angeles héraði fyrir tvö morð og eina tilraun til morðs. Vitnisburður Ashton gæti hjálpað að staðfesta tímalínu atburðarásarinnar sem endaði með að Ashley var stungin 47 sinnum.

Í lögregluskýrslu sem var tekin á þeim tíma sagði Ashton Kutcher að kvöldið sem Ashley Ellerin dó ætluðu þau að hittast og fara saman í eftirpartí fyrir Grammy verðlaunahátíðina árið 2001.

Margir fjölmiðlar greindu frá því að leikarinn hafi farið í partí fyrir verðlaunahátíðina en hafi ekki boðið Ashley, en þau höfðu aðeins verið saman í stutta stund.

#HollywoodRipper – Pros opening: In 2001 Gargiulo met Ashley Ellerin. Actor #AshtonKutcher went to Ellerin’s home to pick her up for a date in February 2001. She didn’t answer the door. Her roommate found her the next day, stabbed to death. Ellerin was stabbed 47 times. pic.twitter.com/ABX0hGzTs0

— Cathy Russon (@cathyrusson) May 2, 2019

Í skýrslunni sagðist Ashton hafa margsinnis hringt í Ashley en hún hafi ekki svarað. Fyrst þau höfðu ákveðið að fara saman í partí ákvað hann að fara heim til hennar í Hollywood til að sjá hvort hún væri heima. Hins vegar þegar hann kom fyrir utan íbúð hennar og bankaði, kom enginn til dyra. Hann segist hafa kíkt inn um gluggann og séð rauðan poll, sem hann hélt að væri vín, en seinna kom í ljós að þetta hafi verið blóð Ashley.

Ashton segir að hann hafi þá yfirgefið íbúðarhúsið, þrátt fyrir að hafa séð bíl hennar í heimkeyrslunni. Meðleigjandi Ashley fann lík hennar daginn eftir.

Það tók sjö ár fyrir lögregluna til að ráða úr morði Ashley. Rannsóknarlögreglumönnum tókst að tengja dauða hennar við morð Mariu Bruno, 32 ára, og morðtilraun á Michelle Murphy árið 2008.

Það var morðtilraunin á Michelle Murphy sem leiddi rannsóknarmenn til Michael Garigulo. Garigulo á að hafa brotist inn til Michelle þar sem hún svaf. Hann klifraði ofan á hana og byrjaði að stinga hana. Michelle tókst að sparka honum af sér og skar hann sig í kjölfarið. Hann flúði en skildi eftir sig blóð sem lögreglan tengdi við hann.

Lögfræðingar Michael Garigulo segja að hann neiti allri sök í morðunum og „þó svo að hann hafi búið nálægt öllum fórnarlömbunum gerir hann ekki sekan.“

Eftir réttarhöldin mun Garigulo vera sendur til Illinois þar sem hann er kærður fyrir að myrða sitt fyrsta meinta fórnarlamb, Triciu Pacaccio