fbpx
Laugardagur 26.september 2020
Fókus

Endalokin nálgast: Allt sem við vitum um nýju Game of Thrones seríuna

Lilja Katrín Gunnarsdóttir
Þriðjudaginn 12. mars 2019 15:00

Margir bíða spenntir eftir nýju seríunni.

Ekki missa af Helstu tíðindum dagsins í pósthólfið þitt

Lesa nánar

Næsta sería af Game of Thrones, sem verður jafnframt síðasta serían, verður frumsýnd þann 14. apríl næstkomandi á sjónvarpsstöðinni HBO. Aðdáendur seríunnar bíða eftir nýju þáttaröðinni með mikilli eftirvæntingu en hér er allt sem búið er að koma fram um hana enn sem komið er.

Lengri þættir

Þættirnir í þessari áttundu seríu eru aðeins sex talsins. Iain Glen, sem leikur Ser Jorah Mormont, sagði í viðtali við Daily Express í september í fyrra að handrit þáttanna væru þau bestu sem hefðu nokkurn tímann verið skrifuð innan herbúða Game of Thrones. „Það tók lengri tíma að taka þættina upp, þeir kosta meira og koma meira á óvart,“ sagði Iain.

Endirinn er víst óvæntur.

Umdeilt lokaatriði

Leikararnir hafa gert mikið af því undanfarið ár að æsa upp spenning fyrir lokaatriði þáttaraðarinnar. „Það ruglaði mig í ríminu,“ sagði Emilia Clarke, sem leikur Daenerys Targaryen, í samtali við Vanity Fair í júlí. Sophie Turner, sem túlkar Sönsu Stark, sagði í samtali við IGN News í september að endirinn verði umdeildur.

„Ég held að fullt af aðdáendum verði fyrir vonbrigðum en að margir verði himinlifandi.“

Kit Harrington, betur þekktur sem Jon Snow, sagði í viðtali við BBC One í júlí að hann hefði grátið þegar hann las handritið að lokaþættinum á meðan Nikolaj Coster-Waldau, sem leikur Jamie Lannister, fannst púsluspilið loksins ganga upp.

Deyr Tyrion?

Einhver deyr

Peter Dinklage sagði í samtali við Vulture í október að karakterinn hans, Tyrion Lannister, gæti dáið í seríunni. „Mér finnst að hann hafi fengið góða lausn sinna mála. Sama hver hún er þá er dauði alltaf góð leið út.“

Margar lokasenur voru teknar upp

Casey Bloys hjá HBO sagði á viðburði í september árið 2017 að tökuliðið ætlaði að taka upp nokkrar, mismunandi lokasenur svo enginn í tökuliðinu myndi vita nákvæmlega hvernig serían endar.

Bastarðabardaginn er ekkert miðað við bardagann í áttundu seríu.

Rosalega bardagasena

Fyrrnefndur Peter Dinklage sagði í samtali við Entertainment Weekly í september að það verði svakaleg bardagasena í seríu átta, en það tók alls 55 kvöld að taka hana upp. „Hún lætur bastarðabardagann [úr seríu 6] líta út eins og skemmtigarð.“

Gamlir vinir snúa aftur

Joe Bauer, sem hefur yfirsýn yfir allar tæknibrellur í þáttunum, sagði við Huffington Post í september að ógnarúlfur Jon Snow, Ghost, eigi epíska endurkomu í seríu átta.

Taka höndum saman.

Árásir á Winterfell

Það er ráðist á norðrið í lokaseríunni og Jon Snow og Daenerys Targaryen taka höndum saman til að berjast gegn óvinunum. Hvernig sú barátta endar er eitt, stórt spurningamerki.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Bubbi um ástæðu slagsmálanna: „Ég sá mann girða niður um stelpu“

Bubbi um ástæðu slagsmálanna: „Ég sá mann girða niður um stelpu“
Fókus
Fyrir 2 dögum

Bónorð á Brooklyn-brúnni misheppnaðist stórkostlega

Bónorð á Brooklyn-brúnni misheppnaðist stórkostlega
Fókus
Fyrir 3 dögum

Nektarmynd raunveruleikastjörnu skiptir fólki í fylkingar

Nektarmynd raunveruleikastjörnu skiptir fólki í fylkingar
Fókus
Fyrir 3 dögum

Bubbi um ástandið – „Ekki hægt að taka vinnuna af fólki í eitt eða tvö ár“

Bubbi um ástandið – „Ekki hægt að taka vinnuna af fólki í eitt eða tvö ár“
Fókus
Fyrir 4 dögum

Bíó Paradís opnar dyrnar fyrir Skjaldborg – „Ótrúlega góð tilfinning“

Bíó Paradís opnar dyrnar fyrir Skjaldborg – „Ótrúlega góð tilfinning“
Fókus
Fyrir 4 dögum

Aníta Briem um krefjandi verkefni og kjaftasögur – „Einn ljótasti eiginleiki manneskjunnar“

Aníta Briem um krefjandi verkefni og kjaftasögur – „Einn ljótasti eiginleiki manneskjunnar“