Sigurður Sólmundarson, sem er 41 árs, lenti í skelfilegu bílslysi 12. desember þegar hann fékk aðsvif, fór yfir á rangan vegarhelming og lenti framan á annarri bifreið. Sigurður brotnaði á báðum fótum, úlnliðsbrotnaði og var allur krambúleraður að eigin sögn.
Sigurður fékk viðurnefnið Costco-gaurinn eftir að stórverslunin opnaði hér á landi, vegna myndbandsbrota sem hann var duglegur að taka upp eftir ferðir sínar í verslunina og pósta í Facebook-hópinn „Keypt í Costco Ísl.- Myndir og verð.“
Ljóst er að löng endurhæfing er framundan með tilheyrandi kostnaði og tekjumissi, en Sigurður var sjálfstæður verktaki þegar hann lenti í slysinu. Vinur hans, Sigurjón Pétur Guðmundsson, hefur nú komið af stað söfnun fyrir Sigurð, og vonast hann eftir góðum viðtökum með mætti Facebook. „Ef allir sem hafa sent honum kveðju og hugsað til hans, vinir og vandamenn sem eru aflögufærir um þó ekki nema einhverja þúsund kalla (einn þúsundkall er nóg;) margt smátt gerir stórt fyrir vin okkar Sigga sem á um sárt að binda þessa dagana.“
„Ég fékk þessa löngun til að safna fyrir vin minn Sigga vegna þess að ég veit að það er þröngt í búi hjá þeim feðgum,“ segir Sigurjón í samtali við DV. „Söfnunin hefur fengið þokkalegar viðtökur.
Söfnunin stendur yfir í tvær vikur og að henni lokinni Landsbankinn sjá um að millifæra söfnunarféð til Sigurðar.
Söfnunarreikningur er 0151-05-177 og kennitalan er 150868-3279.
