Á Fókus er að finna umfjöllun um fólk, bæði í fréttamolum og styttri og lengri viðtölum, Tímavélina, umfjöllun um menningu: bækur, kvikmyndir og sjónvarp, leiklist, tónlist og tónleika, viðburði, próf, gjafaleiki og fleira.
Þessar greinar voru vinsælastar á Fókus á árinu.
Ari var tíu ára gamall þegar hann myrti tvo drengi með árs millibili með því að fleygja þeim út í Glerá á Akureyri. Drengirnir voru sjö ára gamlir og drukknuðu báðir í ánni. Í umfjöllun Tímavélarinnar var farið ítarlega yfir málið, þar á meðal bréf sem Ari skrifaði til mæðra drengjanna, sem hófst með orðunum: „Kæra Sólveig og Bjarnheiður. Það sem mig hefur langað að segja er að, já það er rétt að ég átti mjög erfitt sem krakki og já, það hefði átti að grípa inn í mörgum árum fyrr, en það breytir ekki því að ég er ábyrgur fyrir dauða barnanna ykkar.“
Svala Björgvins opinberar nýja kærastann
Söngkonan Svala er skilin og flutt heim og er að gera frábæra hluti í tónlistinni, bæði sjálf og með öðrum, ekki síst með föður sínum á hinum sívinsælu Jólagestum. Stuttu eftir heimkomu var Svala kominn með nýjan herra upp á arminn, Guðmund Gauta Sigurðarson, sem er 18 árum yngri en hún.
Birgitta Líf staðgreiddi rándýra fyrstu íbúð
Birgitta Líf samfélagsmiðlastjarna keypti sína fyrstu íbúð í einu dýrasta fjölbýlishúsi landsins, við Vatnsstíg í Skuggahverfinu. Birgitta Líf staðgreiddi tæpar 63 milljónir fyrir íbúðina.
Sólrún Diego kaupir höll í Mosfellsbæ
Sólrún Diego þrif- og Snapchatdrottning festi kaup á einbýlishúsi ásamt kærasta sínum. Í húsinu er gert ráð fyrir vetrargarði og tjörn. Parið réðst í umfangsmiklar endurbætur og mun húsið að öllum líkindum verða stórglæsilegt og snyrtilegt að hætti Sólrúnar þegar þeim lýkur.
Brynjar Berg féll fyrir eigin hendi – Söfnun fyrir fjölskylduna
Brynjar Berg Guðmundsson féll fyrir eigin hendi, langt fyrir aldur fram, 31 árs. Söfnun var hrundið af stað fyrir konu hans og tvö ung börn. „Brynjar var vinur allra og vildi alltaf hafa gaman. Hann á marga vini, það er ótrúlegt hvað það er margt fólk sem saknar hans,“ sagði Kristín Sif, kona hans, í samtali við DV.
Fjallið nýgiftur með hárígræðslu
Hafþór Júlíus Björnsson kvæntist Kelsey Henson, en þau hafa verið saman í rúmt ár og meðal annars leikið í auglýsingum saman. Einnig fór Fjallið í milljóna hárígræðslu sem heppnaðist að líkindum ekki jafnvel og hnappheldan.
Þorbjörn Haukur féll frá – Athygli vakin á málefnum útigangsmanna
Þorbjörn Haukur Liljarsson féll frá í gistiskýlinu við Lindargötu. Andlát hans og tilfinningaþrungið viðtal móður hans, Guðrúnar Hauksdóttur Schmidt, við DV viku fyrir andlát Þorbjarnar, vakti athygli á aðstæðum útigangsmanna í Reykjavík.
Hversu vel þekkir þú þessi íslensku orð
Próf sem reyna á fjölbreytta þekkingu lesenda DV hafa mörg hver slegið í gegn, þar á meðal próf sem reyndi á hvort lesendur vissu hvað orðin hvumsa, dusilmenni og drettingur þýða.
Hnyttni Kristins yfir úlpusölu Ágústu
Ágústa Johnson, framkvæmdastjóri Hreyfingar og eiginkona Guðlaugs Þ. Þórðarsonar, auglýsti úlpu til sölu í Facebook-hópi og var gagnrýnd af mörgum fyrir vikið. Kristinn Hrafnsson fjölmiðlamaður sá hins vegar hnyttnina og sagðist einmitt oft ná að selja flíkur barna sinna í skiptum fyrir notaðan Yaris og geta ráðið einkabílstjóra fyrir afganginn. „Þau þurftu því enga úlpu, allir voru sáttir og ég skóp atvinnutækifæri.“
Leikkonan María Birta var ein af sex íslenskum konum sem kepptu um að sitja fyrir fáklæddar á forsíðu karlablaðsins Maxim. „Ég veit ekkert hvað ég er búin að koma mér út í, lífið er frábært.“ Verðlaunin voru vegleg en María Birta komst þó ekki áfram úr sínum flokki.
