Ófærð 2 verður frumsýnd á RÚV 26. desember, annan í jólum. Margir bíða spenntir eftir þáttaröðinni, en sú fyrri (fyrsta) var vinsæl bæði hér heima og erlendis, og hlaut góðar viðtökur og lof bæði áhorfenda og gagnrýnenda.
Ófærð er framleidd af Baltasar Kormáki og Magnúsi Viðari Sigurðssyni hjá RVK Studios og með aðalhlutverk fara líkt og í fyrstu þáttaröð Ólafur Darri Ólafsson, Ilmur Kristjánsdóttir og Ingvar E. Sigurðsson.
Handritið skrifa Sigurjón Kjartansson, Clive Bradley, Margrét Örnólfsdóttir og Holly Phillips. Leikstjórar eru Baltasar Kormákur, Börkur Sigþórsson, Óskar Þór Axelsson og Ugla Hauksdóttir.
Ófærð 1 fékk góðar viðtökur og áhorf í Ástralíu, Bretlandi, Japan, Þýskalandi og Frakklandi svo nokkur lönd séu nefnd, en í Frakklandi var þáttaröðun vinsælasta erlenda þáttaröðin árið 2016, en 5,2 milljónir horfðu á fyrsta þáttinn.
