fbpx
Fimmtudagur 18.apríl 2024

Taktfastir bæjarstjórar

Ritstjórn Eyjunnar
Miðvikudaginn 12. febrúar 2020 08:38

Birgir Gunnarsson er nýr bæjarstjóri Ísafjarðarbæjar.

Ekki missa af Helstu tíðindum dagsins í pósthólfið þitt

Lesa nánar

Sem kunnugt er hefur Ísafjarðarbær ráðið nýjan bæjarstjóra eftir að Guðmundur Gunnarsson hætti óvænt störfum samkvæmt sameiginlegu samkomulagi við meirihlutann. Lítið var gefið upp um starfslokin annað en að Guðmundur hefði ekki gengið í takt við meirihlutann, án þess að það væri skýrt nánar.

Meint taktleysi Guðmundar virðist þó ekki ná lengra en svo, að það fyrsta sem Guðmundur gerði eftir starfslok sín var að kaupa sér rafmagnstrommusett, líkt og hann nefndi í viðtölum. Slíkt gera fáir sem ekki halda takti.

Nýi bæjarstjórinn heitir Birgir Gunnarsson og kemur frá Siglufirði, en starfaði lengi sem forstjóri Reykjalundar í Mosfellsbæ, þangað til að hann var rekinn þaðan án skýringa, eftir farsælt 12 ára starf.

Birgir er vanur skíðagöngumaður og ætti því að geta gengið í takt við oddvita Sjálfstæðismanna á Ísafirði, Daníel Jakobsson, sem sjálfur hefur gengið á skíðum við góðan orðstír.

Orðið á götunni segir að sveitungar Birgis í meirihlutanum í Fjallabyggð hafi falast eftir starfskröftum Guðmundar eftir að hann hætti í Villta vestrinu, án árangurs, en sem kunnugt er þá á enn eftir að fylla skarð Gunnars Birgissonar eftir að hann hætti þar í lok nóvember vegna heilsubrests.

Orðið á götunni er að ekki hafi verið haft samband við Birgi um að flytja heim og manna stöðuna, en það hefði orðið saga til næsta bæjar ef Guðmundur tæki við bæjarstjórastöðunni á heimaslóðum Birgis og Birgir tæki við bæjarstjórastöðunni á heimaslóðum Guðmundar.

Ekki síst fyrir þær sakir að Guðmundur er Bolvíkingur, sem er einmitt næsti bær við Ísafjarðarbæ, en bæjarstjóri Bolungarvíkur er Ísfirðingur, sem var uppspretta ófárra gamansaga hjá Vestfirðingum.

Þess skal þó getið, til einföldunar, að hvorki Birgir né Guðmundur eru synir téðs Gunnars Birgissonar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Fréttir
Fyrir 6 klukkutímum

Hrikaleg líkamsárás í Síðumúla

Hrikaleg líkamsárás í Síðumúla
433Sport
Fyrir 6 klukkutímum

Karl-remba KR-inga í Morgunblaðinu vekur nokkra athygli – Segja aðra borga betur

Karl-remba KR-inga í Morgunblaðinu vekur nokkra athygli – Segja aðra borga betur
433Sport
Fyrir 7 klukkutímum

Sancho klár í að snúa aftur til United ef þetta gerist

Sancho klár í að snúa aftur til United ef þetta gerist
Fréttir
Fyrir 7 klukkutímum

Gamlir geisladiskar nýttir í tölvuframleiðslu

Gamlir geisladiskar nýttir í tölvuframleiðslu
Fókus
Fyrir 11 klukkutímum

Tekur við af Gísla Marteini sem kynnir Eurovision

Tekur við af Gísla Marteini sem kynnir Eurovision
433Sport
Fyrir 11 klukkutímum

Er efstur á óskalista Manchester United fyrir sumarið

Er efstur á óskalista Manchester United fyrir sumarið