fbpx
Föstudagur 21.janúar 2022

Rúvarar sáttir við Stefán

Ritstjórn Eyjunnar
Þriðjudaginn 28. janúar 2020 16:10

Ekki missa af Helstu tíðindum dagsins í pósthólfið þitt

Lesa nánar

Orðið á götunni er að nýr útvarpsstjóri, Stefán Eiríksson, falli almennt nokkuð vel í kramið hjá starfsfólki RÚV.

Ráðning Stefáns þykir helst umdeild í þjóðfélaginu útfrá kyni hans, en flestir töldu að kona yrði ráðin í stöðuna, en kona hefur aldrei gegnt starfi útvarpstjóra. Almennt séð virðist þó ráðningin fara vel í landann.

Reynsla Stefáns sem stjórnanda er mikils metin á fréttastofu RÚV, en léttirinn þar var mikill þegar í ljós kom að einhver flokksgæðingurinn með bein tengsl við pólitík fengi ekki stöðuna.

Stefán er þó ekki laus við alla pólitík, en í starfi sínu sem borgarritari hefur hann tekist á við minnihlutann og telur Kolbrún Baldursdóttir, borgarfulltrúi Flokks fólksins, að sökum þess sé hlutleysi fréttastofu RÚV í uppnámi, þar sem Stefán og Dagur B. Eggertsson séu vinir og umfjöllun RÚV um borgarmálin gætu litast af því.

Orðið á götunni er hinsvegar að fréttamenn RÚV óttist ekki slík afskipti, enda séu ritstjórnarlegar aðfinnslur útvarpsstjóra við fréttum hluti af fortíðinni. Nú sé starfið meira stjórnunarlegs eðlis, þar sem flokkapólitíkin hefur að mestu verið kaffærð af excel-skjölum.

Þó eru sumir sem telja að ráðning Stefáns muni hafa neikvæðar afleiðingar í för með sér. Gunnar Smári Egilsson, fjölmiðlamaður og sósíalistaforingi, segir á samfélagsmiðlum að þó svo Stefán sé viðkunnanlegur í fasi, þá logi bæði lögreglan og yfirstjórn borgarinnar í átökum, innanmeinum, klögumálum og einelti. Það sé ekki sök Stefáns, en þó svo hann sé ekki hornóttur, sé það ekki alltaf hornótt fólk sem rekist verst  í hópi.

Spáir Gunnar ringulreið í útvarpshúsinu innan 18 mánaða.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

433Sport
Fyrir 4 klukkutímum

Gerrard var undrandi og sjokkeraður þegar að Benitez fór til Everton – ,,Ég verð að vera hreinskilinn“

Gerrard var undrandi og sjokkeraður þegar að Benitez fór til Everton – ,,Ég verð að vera hreinskilinn“
Fréttir
Fyrir 4 klukkutímum

Söfnuðu rúmum 6 milljónum króna fyrir Landsbjörg

Söfnuðu rúmum 6 milljónum króna fyrir Landsbjörg
433Sport
Fyrir 7 klukkutímum

Langur rannsóknartími á máli Gylfa vekur upp spurningar – Sex mánuðir liðnir frá handtöku

Langur rannsóknartími á máli Gylfa vekur upp spurningar – Sex mánuðir liðnir frá handtöku
Fókus
Fyrir 7 klukkutímum

Bað netverja um hjálp að finna manninn sem daðraði við hana á ströndinni – Fann eiginkonuna í staðinn

Bað netverja um hjálp að finna manninn sem daðraði við hana á ströndinni – Fann eiginkonuna í staðinn