fbpx
Fimmtudagur 09.júlí 2020

Ekki alveg dagsatt

Ritstjórn Eyjunnar
Þriðjudaginn 8. janúar 2019 12:25

Dagur B. Eggertsson, borgarstjóri

Ekki missa af Helstu tíðindum dagsins í pósthólfið þitt

Lesa nánar

Orðið á götunni er að braggamálinu sé hvergi nærri lokið. Þar sé ýmislegt sem enn eigi eftir að kryfja til mergjar. Skýrsla innri endurskoðunar um braggamálið er sögð aðeins toppurinn á þeim ísjaka sem óvönduð stjórnsýsla Reykjavíkurborgar þykir vera þegar kemur að framúrkeyrslu verkefna, en í sex verkefnum borgarinnar hefur framúrkeyrslan numið rúmlega 1,3 milljarði.

Líklega hefur meirihlutinn fagnað því að skýrsla innri endurskoðunar hafi komið út rétt fyrir jól og vonast eftir að málið gleymdist hægt og hægt. Hinsvegar virðist því öfugt farið, fjölmiðlum, borgarfulltrúum og almenningi gafst rúmur tími til að bæta skýrslunni á jólalestrarlistann hjá sér og rýna í þau ámælisverðu vinnubrögð sem höfð voru uppi í braggamálinu.

Borgarstjóri ætlar að sitja í þriggja manna nefnd sem hefur það verkefni að rýna í niðurstöður skýrslu innri endurskoðunar um braggamálið. Mörgum finnst það öfugsnúinn vinnubrögð, þar sem ekki þarf að lesa lengi á milli línanna í skýrslu innri endurskoðunar til að glöggva sig á ábyrgð borgarstjóra. Því hefur trúverðugleiki Dags í fyrirhuguðum störfum sínum fyrir nefndina verið dreginn í efa, enda hefur hann verið staðinn að því að segja fjölmiðlum ósatt vegna braggamálsins.

Þá má slá því föstu að viðbrögð vinstri manna hefðu síst verið minni ef málinu væri snúið við, að borgarstjóri Sjálfstæðisflokksins hygðist sitja í nefnd sem færi með eftirköst spillingarmáls sem hann sjálfur bæri mikla ábyrgð á, sem æðsti stjórnandi borgarinnar. Eitthvað myndi nú heyrast þá.

Í skýrslu IE er tekið fram að litið hafi verið framhjá niðurstöðum svartrar skýrslu innri endurskoðunar frá árinu 2015 um starfssemi skrifstofu eigna- og atvinnuþróunar Reykjavíkurborgar, sem Hrólfur Jónsson stýrði og fenginn var til starfsins af Degi B. Eggertssyni. Hrólfur, sem þykir mesta ábyrgð bera í braggamálinu, hætti störfum í lok mars í fyrra, rétt áður en braggamálið komst í hámæli.

Borgarstjóri viðurkennir að hafa verið í miklum samskiptum við Hrólf, en kannast ekkert við að hafa vitað neitt misjafnt um braggamálið. Innri endurskoðun rannsakaði tölvupósta Hrólfs til borgarstjóra. Ekki var leitað í tölvupósthólfi Dags um samskipti hans við Hrólf hinsvegar, sem verður að teljast eilítið furðulegt.

En væntanlega verður það fyrsta verk borgarstjóra í nefndinni, til að auka gagnsæi, fagleg vinnubrögð og trúverðuleika sinn, að láta óháðan aðila rannsaka tölvupósthólf sitt, svo hægt verði að taka af allan vafa um að hann hafi ekkert vitað af braggamálinu.

Því aðeins eru orð borgarstjóra og Hrólfs höfð fyrir því að Dagur hefði enga vitneskju haft um málið.

Þegar DV spurði Dag hvort tölvupóstar hans hefðu verið skoðaðir, játaði Dagur því. Það stangast hinsvegar á við skýrsluna auk þess sem Eyjan fékk það staðfest hjá innri endurskoðun að svo hefði ekki verið.

Það liggur því fyrir að Dagur sagði fjölmiðlum ekki alveg dagsatt um braggamálið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

433
Fyrir 8 klukkutímum

Byrjunarlið Fjölnis og Gróttu: Sex stiga leikur

Byrjunarlið Fjölnis og Gróttu: Sex stiga leikur
433
Fyrir 8 klukkutímum

Byrjunarlið Brighton og Liverpool: Mane bekkjaður

Byrjunarlið Brighton og Liverpool: Mane bekkjaður
Fréttir
Fyrir 10 klukkutímum

Bæjarstjórn Akureyrar mótmælir lokun fangelsins

Bæjarstjórn Akureyrar mótmælir lokun fangelsins
433Sport
Fyrir 10 klukkutímum

Í fjögurra leikja bann fyrir að bíta mann

Í fjögurra leikja bann fyrir að bíta mann