fbpx
Fimmtudagur 20.janúar 2022

Er braggamálið frávik ?

Ritstjórn Eyjunnar
Mánudaginn 14. janúar 2019 16:21

Dagur B. Eggertsson borgarstjóri Mynd:DV/Hanna

Ekki missa af Helstu tíðindum dagsins í pósthólfið þitt

Lesa nánar

Orðið á götunni er að nú sé lögð mikil áhersla á það hjá meirihlutanum í Ráðhúsi Reykjavíkur, að nota orðið „frávik“ um braggamálið. Heyra má þetta í orðræðu borgarstjóra, formanns borgarráðs, borgarfulltrúa meirihlutans, sem og ritmáli í tilkynningum borgarinnar.

Þar segir að unnið sé að úrbótum í kjölfar braggaskýrslunnar og má sjá orðið „frávik“  nefnt alls fjórum sinnum þegar hefði mátt nota „klúður“, „misferli“ eða spilling“ í staðinn. En vitaskuld eru slík orð ekki notuð á opinberu bréfsefni borgarinnar, enda felst í því staðfesting á að eitthvað misjafnt hafi átt sér stað, sem orðið „frávik“ gerir ekki.

Með þessari orðanotkun er auðvitað vísvitandi verið að gera lítið úr braggamálinu. Samkvæmt skilgreiningu er orðið „frávik“ aðeins lítið hliðarspor, undantekning þar sem vikið er frá einhverskonar reglu.

Í skýrslu innra eftirlits Reykjavíkurborgar um braggann er orðið „frávik“ alls notað 16 sinnum, en aldrei í sömu merkingu og Dagur B. Eggertsson, tilkynningar Reykjavíkurborgar, eða orðræða meirihlutans gerir. Í skýrslunni er orðið notað með mun þrengri hætti, við skilgreiningar á aðgreindum málum.

Nú er ekki verið að fullyrða að það sé reglan hjá borginni að fara langt fram úr kostnaðaráætlunum, en bragginn getur hvergi nærri talist vera frávik.

Orðið á götunni er að „frávik“ sé einmitt ekki rétta orðið, þar sem mýmörg önnur verkefni Reykjavíkurborgar hafa farið langt framúr upphaflegum kostnaði, auk þess sem ýmsum spurningum er enn ósvarað varðandi braggamálið, líkt og Hallur Símonarson, innri endurskoðandi borgarinnar, hefur sjálfur viðurkennt.

Í aðeins sex verkefnum á vegum borgarinnar hefur framkvæmdarkostnaður farið alls 1,348 milljónum fram úr áætlun.

Von er á skýrslu innri endurskoðunar um sum þeirra mála á næstu vikum.

Orðið á götunni er að sú skýrsla verði einnig í dekkri kantinum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

433Sport
Fyrir 3 klukkutímum

Telur að Rooney geti verið alveg jafn ánægður hjá Everton eins og hjá Derby – ,,Ekki auðveldar kringumstæður“

Telur að Rooney geti verið alveg jafn ánægður hjá Everton eins og hjá Derby – ,,Ekki auðveldar kringumstæður“
Eyjan
Fyrir 3 klukkutímum

Skortur á orku yfirvofandi hér á landi

Skortur á orku yfirvofandi hér á landi
433Sport
Fyrir 5 klukkutímum

Þrátt fyrir tap gegn Manchester United í gær segist stjóri Brentford liðið hafa unnið – ,,Við gengum frá þeim“

Þrátt fyrir tap gegn Manchester United í gær segist stjóri Brentford liðið hafa unnið – ,,Við gengum frá þeim“
433Sport
Fyrir 5 klukkutímum

Sjáðu myndbandið: Ósáttum Ronaldo var skipt af velli á 71. mínútu við litla hrifningu hans

Sjáðu myndbandið: Ósáttum Ronaldo var skipt af velli á 71. mínútu við litla hrifningu hans
Fókus
Fyrir 16 klukkutímum

Heiðra minningu Rósalindar rektors -Henni tókst bæði „að kæta fúlustu prófessora og veita stúdentum stuðning“

Heiðra minningu Rósalindar rektors -Henni tókst bæði „að kæta fúlustu prófessora og veita stúdentum stuðning“
433Sport
Fyrir 16 klukkutímum

Xavi er með varnarmann Manchester United á óskalistanum

Xavi er með varnarmann Manchester United á óskalistanum