fbpx
Miðvikudagur 23.október 2019  |

DV - Frjáls og óháður miðill

Orðið á götunni

Eplin falla við eikurnar

Fréttir

„Ég er bara orðin þreytt á þessari vitleysu“ segir Bára um samsæriskenningar Miðflokksmanna

Kristján Kristjánsson
Mánudaginn 1. apríl 2019 07:50

Ekki missa af Helstu tíðindum dagsins í pósthólfið þitt

Lesa nánar

Ekki er annað að skilja á ummælum þingmanna Miðflokksins um helgina að um skipulagða aðgerð, samsæri, hafi verið að ræða þegar Bára Halldórsdóttir tók samræður þeirra upp á Klaustri bar fyrir áramót eins og frægt er orðið. Á máli þeirra má ráða að um eitt stór samsæri hafi verið að ræða gegn þeim.

Sigmundur Davíð Gunnlaugsson, formaður Miðflokksins, sagði um helgina að ekki væri hægt að sjá annað út úr upptökum öryggismyndavéla en að um skipulagða aðgerð hafi verið að ræða og líklega hafi Bára átt sér vitorðsmann.

Á laugardaginn var haft eftir Bergþóri Ólasyni, einum umræddra þingmanna sem voru á Klaustri bar umrætt kvöld, að upptökurnar sýndu allt aðra mynd en þá sem Bára hefði lýst.

Í Morgunblaðinu í dag er haft eftir Báru að hún geti lítið sagt um þetta nema að um rangfærslu sé að ræða hjá þingmönnunum.

„Ég er bara orðin þreytt á þessari vitleysu sem þeir finna upp á í hvert skipti. Nú eru þeir með rangfærslur sem ég get í raun lítið gert í nema sagt að séu rangfærslur, því ég hef ekki gögnin til að birta þau. Við skoðuðum þessar upptökur fyrir mörgum vikum og það er engin ástæða fyrir því að vekja þessa umræðu aftur núna.“

Er haft eftir Báru sem sagðist ekki gefa mikið fyrir fréttaflutning af málinu um helgina en í grein í Morgunblaðinu var því lýst ítarlega hvað hún gerði þetta kvöld.

„Mér finnst þetta hálfkjánalegt. Ég veit að þetta stenst ekki því ég hef séð þetta myndband sjálf. Ég veit ekki hvort fólki finnst það trúanlegra að hafa svona mikið af smáatriðum, en þetta stenst ekki.“

Er haft eftir Báru sem segist hafa tekið ábyrgð á því að hafa tekið samtal þingmannanna upp og enn á ný séu þeir að reyna að afvegaleiða kjarna málsins.

„Það er einstaklega mikilvægt að við gleymum ekki af hverju þetta hneykslaði þjóðina. Það var ekki af því að einhver tók þá upp, heldur út af því sem þeir sögðu.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 14 klukkutímum

Stöðvaður með kannabis á Keflavíkurflugvelli: Var á leiðinni úr landi

Stöðvaður með kannabis á Keflavíkurflugvelli: Var á leiðinni úr landi
Fréttir
Fyrir 14 klukkutímum

Ráðist á Íslendinga í Brighton – „Þetta var viðurstyggileg árás“

Ráðist á Íslendinga í Brighton – „Þetta var viðurstyggileg árás“
Fréttir
Í gær

Erlingi brugðið: Sakar samkeppnisaðila um klækjabrögð – Búnaður rifinn niður og þræðir slitnir í sundur

Erlingi brugðið: Sakar samkeppnisaðila um klækjabrögð – Búnaður rifinn niður og þræðir slitnir í sundur
Fréttir
Í gær

Atli Rafn freistar þess að fá að vita hverjar sökuðu hann um kynferðislega áreitni

Atli Rafn freistar þess að fá að vita hverjar sökuðu hann um kynferðislega áreitni
Fréttir
Fyrir 2 dögum

Dagur B. borgarstjóri minnist Jónu Halldóru – „Engilinn á hjólinu“

Dagur B. borgarstjóri minnist Jónu Halldóru – „Engilinn á hjólinu“
Fréttir
Fyrir 2 dögum

Nef- og höfuðkúpubrotinn eftir reiðhjólaslys

Nef- og höfuðkúpubrotinn eftir reiðhjólaslys