Vilhjálmur Árnason, þingmaður og ritari Sjálfstæðisflokksins, bar sigur úr býtum í oddvitakjöri flokksins í Reykjanesbæ fyrir komandi sveitastjórnarkosningar. Auk Vilhjálms voru þeir Unnar Stefán Sigurðsson og Ásgeir Elvar Garðarsson í framboði.
Alls voru 1.861 atkvæði greidd en kjörsókn var rétt tæp 52%.
Vilhjálmur fékk 1.037 atkvæði, eða 58% atkvæða. Ásgeir Elvar hlaut annað sætið með 510 atkvæði, eða 28% fylgi, og Unnar Stefán varð að gera sér 3. sæti að góðu með 277 atkvæði eða 15,2% greiddra atkvæða. Ógildir seðlar voru alls 37 talsins.
