fbpx
Sunnudagur 21.júlí 2024
Eyjan

Guðlaugur Þór hefur miklar efasemdir um fyrirhugaða þéttingu byggðar í Grafarvogi

Eyjan
Þriðjudaginn 9. júlí 2024 17:30

Guðlaugur Þór Þórðarson

Ekki missa af Helstu tíðindum dagsins í pósthólfið þitt

Lesa nánar

Guðlaugur Þór Þórðarson, umhverfis-, orku- og loftslagsráðherra, hefur áhyggjur af þéttingarstefnu Reykjavíkurborgar og sér í lagi þeim áformum, sem Einar Þorsteinsson borgarstjóri hefur boðað, að allt að 500 íbúðir muni rísa í Grafarvogi á næstu árum. Þetta kemur fram í viðtali við ráðherrann sem birtist í blaði dagsins.

Guðlaugur Þór hefur búið í Grafarvogi í tæpan aldarfjórðung og segir hann að margir íbúar hverfisins hafi áhyggjur af þessum áformum og telji að verið sé að skerða aðgang að útivistarsvæðum sem og þrengt verði að leik- og grunnskólum hverfisins. Þá telji íbúar þéttinguna úr takti við þá byggð sem fyrir er og komi til með að auka umferð um hverfið. Íbúar séu vonsviknir með skort á samráði.

„Það getur skaðað lífsgæðin verulega þegar fólk fer með svona mál í hverfum sem það þekkir ekki til og það er óskiljanlegt að það sé ekki tekið samtal við íbúa,“ segir Guðlaugur Þór í viðtalinu. Segist hann vilja að skoða það að friða Grafarvoginn og styður íbúðaráð hverfisins þær hugmyndir.

„Ég hef áhyggjur af Grafarvoginum sjálfum og hef átt samskipti við borgaryfirvöld út af því að ég vil friða hann og nærsvæðið, til þess að við nýtum hann og grænu svæðin sem þar eru og verndum líka lífríkið og sömuleiðis hugum að menningarminjunum sem þar eru.“

Þá segir hann ennfremur í viðtalinu vera þeirrar skoðunar að Sundagöng séu mun fýsilegri samgöngubót en möguleg Sundabraut.  Göng myndu leysa betur úr umferðarvandanum og ekki þyrfti að fórna útsýni, lífríkinu og útivistarsvæðum á landi og sjó.

Guðlaugur Þór birti viðtalið í heild sinni á Facebook-síðu sinni fyrr í dag

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 6 dögum

Flugfélög: Icelandair stundvísast allra stærri flugfélaga í Evrópu

Flugfélög: Icelandair stundvísast allra stærri flugfélaga í Evrópu
Eyjan
Fyrir 6 dögum

Forsætisráðherra Grænlands heimsótti íslensku gullvinnsluna

Forsætisráðherra Grænlands heimsótti íslensku gullvinnsluna