Gunnar Bragi: „Von­andi gyrða sjálf­stæðis­menn sig í brók“

Gunnar Bragi Sveinsson, þingmaður Miðflokksins, skorar á Sjálfstæðismenn að gyrða sig í brók og  berjast gegn yfirgangi ESB varðandi orkupakka 3 í Morgunblaðinu í dag. Gunnar Bragi segir að orkupakkamálið hafi alltaf verið á könnu Sjálfstæðisflokksins, þó svo flokkurinn kannist ekki við ábyrgðina.

Vísar hann til þess að frá 2013 hafi flokkurinn stýrt utanríkismálanefnd, verið í forystu í atvinnuveganefnd og stjórnskipunar- og eftirlitsnefnd. Þá hafi hann stýrt iðnaðarráðuneytinu frá 2013 og Guðlaugur Þór Þórðarson utanríkisráðherra hafi verið formaður Íslandsdeildar þingmannanefnda EFTA og EES í mörg ár áður en hann varð ráðherra.

Vafi um hvort OP3 samrýmdist stjórnarskrá árið 2015

Hann vitnar einnig í bréf sem hann fékk frá Birgi Ármannssyni, þáverandi formanni utanríkismálanefndar, árið 2015, sem kveður á um að skoðað verði hvort orkupakkinn samrýmist stjórnarskrá Íslands:

„Ut­an­rík­is­mála­nefnd hef­ur, í sam­ræmi við 2. gr. regl­an um þing­lega meðferða EES-mála, fjallað um svo­kallaðan þriðja orkupakka (til­skip­un 2009/​72/​EB o.fol.) til mats á því hvort efn­is­legra aðlag­ana sé þörf. Málið er til um­fjöll­un­ar í vinnu­hópi EFTA og var ut­an­rík­is­mála­nefnd upp­lýst um málið með skeyti frá ut­an­rík­is­ráðuneyti dags. 5. mars 2014 ásamt fylgigöng­um.

Til­skip­un­in hef­ur fengið efn­is­lega um­fjöll­un í at­vinnu­vega­nefnd og stjórn­skip­un­ar- og eft­ir­lits­nefnd. Ut­an­rík­is­mála­nefnd ákvað í kjöl­far álits nefnd­anna að taka málið til frek­ari skoðunar, þá sér­stak­lega út­færslu aðlag­ana og stjórn­skipu­leg álita­efni sem uppi eru í þeim efn­um og hef­ur fengið sér­fræðinga ráðuneyta á fundi vegna máls­ins.

Ut­an­rík­is­mála­nefnd ósk­ar eft­ir því að unn­in verði grein­ar­gerð um það hvort þau drög að aðlög­un­ar­texta sem nú liggja fyr­ir og þær út­færslur sem þar er kveðið á um á grund­velli tveggja stoða kerf­is EES-samn­ings­ins sam­rým­ist stjórn­ar­skrá.“

Um þetta segir Gunnar Bragi:

„Hinn 26. júní 2016 svar­ar ut­an­rík­is­ráðuneytið er­indi Birg­is en þá er ut­an­rík­is­ráðherra orðin Lilja Dögg Al­freðsdótt­ir. 20 sept­em­ber 2016 send­ir þáver­andi formaður ut­an­rík­is­mála­nefnd­ar, Hanna Birna Kristjáns­dótt­ir, Lilju Dögg Al­freðsdótt­ur ut­an­rík­is­ráðherra bréf þar sem hún seg­ir að ut­an­rík­is­mála­nefnd hafi lokið um­fjöll­un um málið. Guðlaug­ur Þór keyr­ir síðan málið áfram. Sjálf­stæðis­menn hafa þannig stýrt orkupakka 3 í gegn­um þingið frá 2013 og til dags­ins í dag. ESB mun krefjast enn meiri stjórn­ar á orku­markaði Evr­ópu og þar með Íslandi með orkupakka 4. Von­andi gyrða sjálf­stæðis­menn sig í brók og koma með okk­ur í Miðflokkn­um að berj­ast gegn þess­um yf­ir­gangi ESB.“