DJ Khaled var að tala við aðdáendur í gegnum „live-stream“ á Instagram í gær þegar einn þeirra gekk of langt. Stuttu eftir að konan var komin í mynd færði hún myndavélina svo rassinn hennar myndi sjást.
Khaled var augljóslega ekki að búast við þessu og sagði: „Ó sjit, ó sjit.“
Konan byrjaði þá að hrista rassinn og á meðan grátbað Khaled hana að hætta.
„Nei, nei, ekki gera þetta,“ sagði hann.
Þrátt fyrir mótmæli hans hélt konan áfram að dansa. Hún gekk skrefinu lengra og hellti vatni úr vatnsflösku yfir rassinn sinn.
„Ég á fjölskyldu […] Talaðu bara við mig venjulega,“ sagði þá Khaled og hélt fyrir augun.
Konan hætti ekki og ákvað þá Khaled að henda henni út úr spjallinu.
Khaled deildi síðan myndbandinu á Instagram-síðuna sína og skrifaði með:
„Ég elska ykkur öll en vinsamlegast takið því rólega þegar ég er að tala við ykkur. Enn og aftur, ég elska ykkur öll en viljið þið vinsamlegast sýna virðingu.“
DJ Khaled er giftur Nicole Tuck og eiga þau saman tvo syni.
