Saga Stuðmanna spannar orðið hálfa öld og tónlist þeirra órjúfanlegur hluti af dægurmenningu og sögu landsmanna.

Stuðmenn koma fram á Kótelettunni, tónlistarhátíð Selfyssinga á fimmtudagskvöldið. Það verður reyndar allt troðfullt af frábærum atriðum á sama kvöld því Aron Can, Patrik, Hljómsveitin Hr. Eydís, Gústi B, Út í Hött og verðlaunahljómsveitin Slysh frá Hveragerði koma fram sama kvöld. Fimmtudagstónleikarnir eru sérstakir upphitunartónleikar fyrir helgina og frítt er inn á svæðið á þá tónleika og allir velkomnir. Tónleikarnir standa frá klukkan 19-22.30 eins og segir í tilkynningu.

Stuðmenn senda frá sér nýtt lag

Hljómsveitin Stuðmenn eru að senda frá sér nýtt lag í næstu viku sem er endurgerð á laginu Fegurðardrottning sem kom út 1986. Nýja útgáfan er unnin í samstarfi við upptökustjórann Ásgeir Orra Ásgeirsson. Goðsögnin Ragnhildur Gísladóttir leiðir Stuðmenn sem fyrr og Magni Ásgeirsson hefur tekið stöðu karlsöngvara Stuðmanna eftir að Egill Ólafsson forsöngvari sveitarinnar varð frá að hverfa vegna veikinda.

Saga Stuðmanna spannar orðið hálfa öld og tónlist þeirra er órjúfanlegur hluti af dægurmenningu og sögu landsmanna.