Pressan verður alsráðandi í Bestu deild karla annað kvöld þegar stigalaust lið Stjörnunnar tekur á móti Val í Bestu deild karla í Garðabænum.

Stjarnan hefur tapað fyrstu tveimur leikjum sumarsins sannfærandi en Valur er með fjögur stig. Slök frammistaða liðsins gegn Fylki var hins vegar áhyggjuefni og liðið með pressu á sér þegar það fer í Garðabæinn.

Sú staða gæti komið upp ef illa fer að Valur sé fimm stigum á eftir toppliði deildarinnar sem væru vonbrigði eftir þrjá umferðir. Það verður fróðlegt að sjá hvernig þessi lið mæta til leiks en bæði hafa nokkuð að sanna.

Pressan verður svo líklega hvergi meiri en á liði KA sem tekur á móti Vestra á sunnudag, þriðji heimaleikurinn í þriðju umferð og krafan er á sigur. Liðið gerði jafntefli við HK og tapaði gegn FH.

Hallgrímur Jónasson þjálfari KA er vafalítið meðvitaður um pressuna sem er á honum þegar nýliðar Vestra heimsækja Akureyri, Vestri hefur fengið á sig sex mörk og ekki enn skorað í deildinni. Liðið er án stiga.

Stærsti leikur umferðarinnar fer fram á sunnudag þegar Breiðablik heimsækir Víking, þar verður pressa á liðunum en öðruvísi. Bæði lið eru með fullt hús stiga og því er enginn heimsendir þó leikurinn tapist.

3 umferð Bestu deildarinnar:
Stjarnan – Valur
HK – FH
KR – Fram
KA – Vestri
ÍA – Fylkir
Víkingur – Breiðablik