Rory Kennedy, systir forsetaframbjóðandans Robert Kennedy Jr., segir það beinlínis hættulegt að kjósa bróður sinn sem er í framboði sem óháður frambjóðandi.
Ástæðan er sú að kannanir hafa sýnt að Robert, sem í sumum fylkjum fær upp undir 10 prósent atkvæða, tekur helst atkvæði frá Joe Biden, Bandaríkjaforseta, og eykur þar með líkurnar á sigri Donald Trump, fyrrverandi forseta.
Rory var í viðtali við CNN í morgun og sagði hún að kosningarnar sem framundan eru séu þær mikilvægustu í sögu Bandaríkjanna. Telur hún að gríðarlega mikilvægt sé að koma í veg fyrir að Donald Trump nái Hvíta húsinu að nýju og óttast það mjög að framboð bróður hennar skemmi fyrir því. Að þeim sökum getur hún ekki stutt framboð hans.
Robert Kennedy Jr. er afar umdeildur stjórnmálamaður en hann er sakaður um að dreifa falsupplýsingum um bóluefni og ýta undir skaðsamar samsæriskenningar um ýmis heilbrigðismál.
