Spjallþátturinn Dr. Phil fór fyrst í loftið 16. september 2002. Phil McGraw er maðurinn á bak við Dr. Phil og tók hann sín fyrstu skref í sjónvarpsiðnaðinum þegar hann kom fram í spjallþætti Opruh Winfrey. Dr. Phil þættirnir hafa notið mikilla vinsælda og hefur hann fengið til sín ótal marga skrautlega gesti en á meðal þeirra er Kardashian fjölskyldan.
Kim Kardashian, Kourtney Kardashian, Khloé Kardashian og Kris Jenner komu fram í þættinum árið 2009 til að ræða um stóra O.J. Simpson málið. O.J. Simpson var mjög frægur og í guðatölu í amerískum fótbolta. Hann spilaði lengi í NFL deildinni og var kallaður „The Juice.“
Árið 1995 voru réttarhöld yfir O.J.. Hann var kærður fyrir morðin á fyrrverandi eiginkonu sinni Nicole Brown og Ron Goldman. Réttarhöldin voru kölluð „réttarhöld aldarinnar“ vegna alþjóðlegu athyglinnar sem málið dró að sér. Þau voru sýnd í beinni og fylgdust um 100 milljón manns með þegar dómsorð var kveðið upp. O.J. var sýknaður.
Ástæðan fyrir aðild Kardashian fjölskyldunnar að málinu er að Nicole var besta vinkona Kris Jenner og O.J. var vinur Roberts Kardashian, föður Kim, Kourtney og Khloé. Robert var einnig hluti af lögfræðiteymi O.J. Þó svo að O.J. hafi verið sýknaður, var hann seinna dæmdur sekur í einkarétti.
Kris og Robert voru þá sitt hvorum megin í málinu en Kris var viss um að O.J. hafði orðið Nicole að bana. Málið hafði mikil áhrif á Kim, Kourtney og Khloé Kardashian að þeirra sögn. Þær ásamt Kris Jenner komu fram í Dr. Phil 2009 til að ræða um O.J. málið og áhrifin sem það hafði á fjölskyldu þeirra.
