Heiðar Austmann, útvarpsmaður á K100 og plötusnúður, og Kolfinna Guðlaugsdóttir, skrifstofustjóri 3 skref bókhaldsþjónustu, giftu sig í gær, þjóðhátíðardaginn sjálfan, í Kópavogskirkju.
„Giftist besta vini mínum í dag“ sagði útvarpsmaðurinn geðþekki.
Brúðkaupsveislan var haldin í safnaðarheimili kirkjunnar og hjónin vörðu síðan brúðkaupsnóttinni í brúðarsvítunni á Hótel Reykjavík Saga sem er í Lækjargötu.
Hjónin eiga saman son, fæddan í janúar 2021 en fyrir eiga þau þrjár dætur úr fyrri samböndum, Heiðar tvær og Kolfinna eina.
