Tuttugu og átta klámstjörnur gætu átt yfir höfði sér málsókn eftir að hafa tekið upp erótískt myndefni á hóteli á vegum Travelodge í Newcastle.

Hópurinn ætlaði upphaflega að taka upp klámmyndband í glæsihýsi en eigandinn afbókaði þau án þess að gefa frekari útskýringu. Í leit að öðru húsnæði festist hópurinn í snjónum og þau enduðu með að bóka fjögur herbergi á Travelodge hóteli.

Þar ákváðu þau að stilla sér upp fyrir myndir, á hótelgöngunum og í lyftunum. Á einni mynd má sjá sjö konur stilla sér upp á einu hótelrúmi.

Klámstjörnurnar tóku ekki bara myndir heldur einnig upp myndband sem hefur vakið talsverða athygli. Þau eru að stunda hópkynlíf í myndbandinu og gætu átt yfir höfði sér málsókn vegna athæfisins, því þau fengu ekki „leyfi“ til að taka upp efnið.

Ein þeirra kvenna sem tók þátt í stóra hópkynlífinu hefur nú stigið fram og segir að hún sé komin með nóg af fordómum gagnvart kynlífsverkafólki.

Lacey Amour, 23 ára, sagði í samtali við WalesOnline að enginn taki starfi hennar alvarlega.

„Enginn tekur starfi mínu alvarlega og það er sífellt litið niður á mig vegna þess. Ef þú skoðar athugasemdakerfi hjá hvaða klámstjörnu sem er, þá mun alltaf standa eitthvað eins og: „Fáðu þér alvöru vinnu“ eða „þú berð enga virðingu fyrir sjálfri þér,““ sagði hún og bætti við:

„Þau láta eins og þau séu ekki á lágmarkstaxta og nota sína líkama til að gera forstjóra fyrirtækisins ríkan.“

Lacey sagði að hún hefur mætt miklum fordómum í gegnum tíðina. Bankar og ýmis fyrirtæki hafa neitað henni um þjónustu.

„Klámstjörnur finna líka fyrir fordómum í sínu persónulega lífi. Samstarfsfólk, vinir, fjölskyldumeðlimir og aðrir geta gert manni lífið leitt,“ sagði hún.

„Ég legg harðar að mér en einhver sem vinnur frá níu til fimm og jafn hart og aðrir frumkvöðlar. Ég er fagmaður en er ekki álitin sem slíkur og fæ heldur ekki virðinguna.“

Þrátt fyrir fordómana sem hún glímir við á hverjum degi sagðist Lacey elska vinnuna sína og er með um 1400 áskrifendur á OnlyFans.