Hjónin Ingileif Friðriksdóttir, sjónvarps- og fjölmiðlakona, og María Rut Kristinsdóttir, upplýsingafulltrúi UN Women, hafa sett íbúð sína við Öldugranda á sölu, en María Rut greinir frá því á Facebook að fjölskyldan ætli að flytja sig um set í hverfinu, en þau hafi fundið draumahús sitt með unglingavænni kjallaraíbúð.

„Hér sköpuðum við alls konar minningar og sú manneskja sem flytur hingað er heppin. Enda er sjaldgæft að finna svona eign í Vesturbænum. Fjögur svefnherbergi, sérinngangur, allt nýuppgert, besta staðsetningin og yndislegir nágrannar – hvað þarf maður meira?“

Um er að ræða fallega fimm herbergja íbúð á jarðhæð með sérinngangi og stæði í bílageymslu. Stofan er björt og falleg og hefur eldhús verið opnað til að skapa fallegt rúmgott rými.

Eigin er skráð 132,3 fermetrar og er ásett verð 79,9 milljónir.

Nánar má lesa um eignina á Fasteignavef DV