Þann 26. september næstkomandi verður aðalmeðferð fyrir Héraðsdómi Reykjavíkur í máli manns sem hefur verið ákærður fyrir kynferðisbrot gegn fatlaðri konu.

DV hefur ákæru málsins undir höndum. Þar er maðurinn sagður hafa á tilteknu tímabili ítrekað haft samræði og/eða önnur kynferðismök við konu og „þannig notfært sér andlega fötlun hennar og að hún gat ekki af þeim sökum spornað við verknaðnum eða skilið þýðingu hans,“ eins og segir orðrétt í ákærunni.

Maðurinn er einnig sakaður um að hafa haft í vörslu sinni maríhúana og 11 Ecstasy-töflur sem lögregla lagði hald á.

Þess er krafist að maðurinn verði dæmdur til refsingar og til greiðslu alls sakarkostnaðar.

Gerð er einkaréttarkrafa fyrir hönd konunnar um miskabætur upp á þrjár milljónir króna.