Fréttablaðið skýrir frá þessu en blaðið skoðaði kostnaðinn við að lenda einkaþotu á Reykjavíkurflugvelli. Stuðst var við gjaldskrá Isavia sem gildir fyrir flugvelli utan Keflavíkurflugvallar.
Segir blaðið að kostnaður við að leggja Cessna Citation M2, sem er einkaflugvél í minni kantinum, með farrými fyrir sjö farþega sé 35.485 krónur fyrir fimm sólarhringa. Er þá miðað við að vélin sé í hámarksþyngd þegar hún lendir og því er um hámarksgjald að ræða.
Kostnaðurinn er hærri fyrir stærri flugvélar. Ef vélin er með færri farþega, minna eldsneyti eða minni farangur lækkar kostnaðurinn því gjaldskrá ISAVIA miðast aðallega við þyngd flugvéla og farþegafjölda.
Segir blaðið að ef bíl er lagt í bílakjallaranum undir Hafnartorgi í Miðborginni í fimm sólarhringa kosti það 39.000 krónur.
Nánar er hægt að lesa um málið á vef Fréttablaðsins.
