Stjórnmálamaðurinn Leonid Gozman var handtekinn í dag í Moskvu. Hann er leiðtogi Bandalags hægriafla, sem er flokkur andvígur Pútín. Gozman hefur gagnrýnt Pútín með reglulega millibili og fór fyrir undirskriftalista til að hvetja Rússa til að láta af átökum við Úkraínumenn.

Rússnesk yfirvöld halda því fram að hann sé grunaður um njósnir fyrir hönd ísraelska ríkisins. Mikhail Biryukov, lögmaður Gozman sagði í færslu á Facebook: „Við inngang Frunzenskaya-neðanjarðarlestarstöðvarinnar var hann [Gozman] handtekinn af lögregluþjónum sem starfa á stöðinni.“

Meðal flokksbræðra Gozman eru Anatólí Chubais sem flúði Rússland og Boris Nemtsov sem var skotinn til bana árið 2015 nálægt Kreml og grunað er að yfirvöld hafi komið að bana hans á einhvern hátt.

Í síðustu opinberu færslu Gozman á Telegram sagði hann: „Fyrir þá sem vilja og geta mótmælt – hafið varan á, munið að það sem kostaði aðeins litla sekt í gær, gæti kostað frelsið í dag.“