Það eru margir sem muna eftir sóknarmanninum Jese Rodriguez sem spilaði lengi vel með Real Madrid.

Jese var talinn mikið efni á sínum tíma og spilaði alls 94 leiki fyrir Real frá 2011 til 2016 áður en hann hélt til Frakklands.

Jese skrifaði þar undir hjá stórliði Paris Saint-Germainen hlutirnir gengu aldrei upp þar og spilaði leikmaðurinn 18 leiki á fimm árum.

Spánverjinn var lánaður til Las Palmas, Stoke City, Real Betis og Sporting þar sem hann heillaði fáa ef einhverja.

Í fyrra samdi Jese endanlega við Las Palmas en eftir vonbrigðar tímabil hefur hann nú yfirfefið félagið.

Jese skrifaði í gær undir samning hjá Ankaragucu í Tyrklandi en liðið var að tryggja sér sæti í efstu deild þar í landi.

Ferill Jese hefur verið á gríðarlegri niðurleið síðustu ár en hann er enn aðeins 29 ára gamall og á nóg eftir. Jese spilaði fyrir U16,U17,U18,U19,U20 og U21 árs landslið Spánar en fékk aldrei tækifæri með aðalliðinu.